Clásica

Un ensemble de cámara composto por cuarteto de corda, trío de ventos e percusión. Nace como formato reducido da Orquestra Galega de Liberación, para profundar aínda máis na liña de traballo de esta. O Ensemble Liberdade usa técnicas avanzadas, para a composición en tempo real, usando a improvisación como materia prima, e a procura de novos contextos nos que deconstruír os usos compositivos máis frecuentes. Unha mostra poderosa e actual da escena musical contemporánea e de como aínda é posible innovar no campo da experimentación sonora e musical.

Patio de xogos: Unha gramática dos coidados é unha peza participativa de teatro musical de cincuenta minutos para un conxunto musical, actor, membros do público, electrónica  e vídeo. Preséntase como un experimento de xogo interactivo onde a palabra funciona como fío condutor no que o público ten a oportunidade de participar xunto aos músicos nun conxunto de tres xogos e formar parte da actuación, guiado por un personaxe dixital e un mestre de cerimonias.

As vítimas falecidas no Mediterráneo polo peche das fronteiras europeas nos movementos migratorios é o tema que nos propón reflexionar a través da música, cun programa que evoca a historia de miles de persoas do continente africano que perderon a súa vida no mar durante unha viaxe que que xorde da necesidade de procurar unha vida mellor.

Serán estrea en España as dúas obras do compositor galés Anthony Randall. A primeira delas, Three Poems, sobre versos de Geraint Jones, unha obra rodeada de traxedia con sobrecolledores poemas de perda e anhelo escritos meses antes da prematura morte do escritor en Normandía. E Do Not Go Gentle Into That Good Night, o poema de Dylan Thomas, unha obra mestra da lingua inglesa, traducida a varios idiomas e coñecida mundialmente, inspirada na morte do seu pai. O Trío Preseli realizou unha encarga ao compositor compostelán Fernando Buide sobre textos de poetas galegos.

Un ano máis o Festival Plataforma conta coa participación da Banda Municipal para poñer múscia nesta cita das artes performativas acompañando ó recoñecido artista galego Antón Reixa.

O músico portugués ofreceranos o vindeiro 6 de xuño ás 20:00 h, no auditorio do Museo das Peregrinacións e de Santiago, unha selección de pezas para guitarra barroca sacadas do Codex Coimbra en diálogo con outras contemporáneas ao devandito manuscrito.

Máis información e programa na nosa páxina web.

Entrada libre ata completar capacidade.

Sede: Salón de actos do Museo de Belas Artes da Coruña Horario: 12.00 h Acceso gratuíto ata completar aforo. Ciclo de concertos dedicados ás cidades nas que residiu e traballou Picasso, e nos que se interpretarán obras de compositores contemporáneos do pintor.

4 de xuño PARÍS 12.00 h

Retransmisión en directo: https://youtube.com/live/61amPpxO5Oc

Cuarteto de Cordas Schubert

Fumika Yamamura violín

Ángel Marote violín

Gabriel Bussi viola

Elena Escalza violonchelo

Eixos cromáticos levarannos nunha viaxe ?da man do trío da recoñecida arpista viguesa Alba Barreiro, acompañada por Margarida Mariño e Pablo Mera a través dalgunhas das composicións de Andrés Gaos e Jesús Bal y Gay. A súa obra orquestral e pianística é transcrita e arranxada por Alba Barreiro para arpa soa e trío formado por frauta, violoncelo e arpa, co fin de ampliar o repertorio para este instrumento con música da nosa terra.

Proposta de ópera moderna na que se interpretan suites sinfónicas de títulos do século XX que revolucionan o concepto operístico, achegando este xénero a todas as clases sociais.

En caso de choiva pasará ao Auditorio de Galicia (Sala Mozart), con entrada libre até límite de aforo

Retirada de invitacións: previa en https://clasclas23.ataquilla.com, a partir do 2 de maio ás 15:00 h. ata o 30 de xuño ás 12:00 h. e, se non se esgotan, na billetera do Auditorio a partir das 19.00 horas. o día do conceirto.