Padrón (A Coruña), 25 de abril de 2025

O director xeral de Cultura, Anxo M. Lorenzo, inaugurou hoxe no Museo Camilo José Cela unha exposición que conmemora o 30 aniversario do Premio Cervantes que recibiu o escritor en 1995 e da que resaltou “a grande oportunidade que supón para achegarnos á figura de Cela desde un momento destacado na súa traxectoria, para coñecer máis polo miúdo como se viviu o acontecemento nese momento e como se reflectiu a nivel informativo”.

Santiago de Compostela, 24 de abril de 2025

Profesionais do sector audiovisual galego compartiron hoxe na Cidade da Cultura de Galicia un encontro con Peter Andermatt, director da Oficina MEDIA España, no que se abordaron especialmente as oportunidades que este programa da Unión Europea lles ofrece aos proxectos audiovisuais  e de videoxogos. A cita, organizada pola Xunta como parte do ciclo formativo Galicia ProFilme, contou coa presentación a cargo do director da Axencia Galega das Industrias Culturais, Jacobo Sutil.

Santiago de Compostela, 24 de abril de 2025

A Xunta de Galicia continúa cos actos de celebración no marco do Día do Libro, que se celebrou onte, coa estrea da terceira tempada do podcast literario Entreliñas. Trátase dunha iniciativa que impulsa a Consellería de Cultura, Lingua e Xuventude para dar a coñecer a actualidade literaria galega e a actividade das bibliotecas públicas.

Pontevedra, 24 de abril de 2025

O Centro Dramático Galego inicia a semana que vén a xira por Galicia do espectáculo Manuela Rey Is In Da House, que poderá verse ata mediados de maio en oito escenarios das catro provincias. As dúas primeiras paradas do percorrido serán a do mércores 30 en Ribeira e o xoves 1 en Pontevedra, onde hoxe se presentou esta coprodución galego-portuguesa que recupera a esquecida figura da actriz mindoniense que chegou a ser a estrela do teatro lisboeta na segunda metade do século XIX.

Santiago de Compostela, 24 de abril de 2025

O conselleiro de Cultura, Lingua e Xuventude, José López Campos, presentou esta mañá a escultura Paternidade, de Ramón Conde (Ourense, 1951), no parque infantil do Monte Gaiás. A peza amplía a colección de intervencións artísticas do Bosque de Galicia, na que se inclúen grandes referentes da escultura contemporánea como Manolo Paz, Francisco Leiro, Acisclo Manzano, Clara Montoya, Alicia Framis, Alexandra R. Rey e Thomas Apostolou.

Santiago de Compostela, 24 de abril de 2025

A Xunta de Galicia convoca por cuarto ano consecutivo as axudas ao desenvolvemento de proxectos artísticos no marco das Residencias Artísticas do Gaiás. Como novidade, esta edición incorpora as artes dixitais entre as disciplinas creativas que poden optar á convocatoria, xunto coas artes escénicas, visuais, a música e o deseño. En total, ofértanse seis axudas dotadas con 8.000 euros cada unha, dúas delas reservadas para propostas escénicas.

Ourense, 22 abril de 2025

O director xeral de Cultura, Anxo M. Lorenzo, e o xerente da área sanitaria de Ourense, Verín e O Barco de Valdeorras, José Santiago Camba, presentaron hoxe no Hospital Universitario de Ourense as diferentes iniciativas organizadas para promover a lectura entre os pacientes no marco da humanización da asistencia. Trátase dunha actividade coa que a Xunta celebra o Día do Libro, que terá lugar mañá.

Lugo, 22 de abril de 2025

A Xunta de Galicia celebra na Biblioteca Provincial de Lugo o Día do Libro, que se conmemora mañá día 23, cunha variada programación cultural para todos os públicos, de acceso libre e gratuíto, que se desenvolverá ata final de mes. Inclúe unha mesa redonda sobre a figura da Marquesa de Parabere, experta en gastronomía e autora de famosos receitarios na primeira metade do pasado século.

Santiago de Compostela, 21 de abril de 2025

O conselleiro de Cultura, Lingua e Xuventude, José López Campos, reuniuse hoxe con membros da Asociación Amicos de atención e integración de persoas con discapacidade cos que afondou nas vantaxes que para este colectivo supón a nova Lei de cultura inclusiva e accesible de Galicia, que entrou en vigor o pasado mes de xaneiro.