O Consello da Xunta deu hoxe luz verde á incorporación da Domus do Mitreo no Sistema Galego de Centros Museísticos da Xunta de Galicia. Trátase dunha entidade xestionada pola Universidade de Santiago e localizada na cidade de Lugo que naceu como museo de sitio e arqueolóxico e que pasa a formar parte da rede da Administración autonómica tras o cumprimento de todos os requisitos esixidos.
Santiago de Compostela, 16 de abril de 2025
A Xunta de Galicia acaba de convocar a oitava edición do Premio CGAC de Investigación e Ensaio sobre a arte, cuxo obxectivo é promover o coñecemento e o acceso do público á arte contemporánea nas súas diversas manifestacións, así como favorecer a comunicación social das artes plásticas.
Presentación de "Sentinelas no limiar das tebras", con guión de Ozo Perozo e Andrés Castro e ilustracións de Alexandre Senande. A segunda parte da saga "Sentinelas", iniciada con "Sentinelas da Lúa Carmesí", obra que inaugurou a colección "Banda Deseñada" de Editorial Galaxia, destinada a público infantil e xuvenil.
O presidente da Xunta, Alfonso Rueda, informou hoxe de que o Consello aprobou esta mañá o decreto polo que se declara Ben de Interese Cultural (BIC), na categoría de monumento, o Pazo de Lourizán, situado no concello de Pontevedra. Trátase dun emblema do patrimonio cultural de Galicia e que “destaca polo súa singularidade arquitectónica, histórica, paisaxística e técnica”, indicou.
Santiago de Compostela, 14 de abril de 2025
A Xunta de Galicia acaba de lanzar a nova edición do seu catálogo Films from Galicia, que ofrece unha completa panorámica da actual produción galega de cinema e televisión para a súa promoción nos principais mercados e feiras do sector a nivel internacional.
Lugo, 14 de abril de 2025
O delegado territorial da Xunta en Lugo, Javier Arias, mantivo unha reunión con Ximena Torrón, impulsora xunto a Lucía Castro de Soa Suarna, para coñecer o proxecto cultural que desenvolven en Navia de Suarna e avaliar posibles vías de colaboración.
Santiago de Compostela, 13 de abril de 2025
Santiago de Compostela, 12 de abril de 2025
O presidente da Xunta, Alfonso Rueda, apostou hoxe por seguir avanzando “no camiño da cooperación e a lealdade institucional”, sinalando que “seguir construíndo esa Galicia Calidade que todos queremos significa seguir traballando unidos no fundamental, por encima das diferenzas”.
Santiago de Compostela, 12 de abril de 2025
A Consellería de Cultura, Lingua e Xuventude convida a cidadanía a achegarse á arquitectura e funcionamento da Cidade da Cultura de Galicia a través dun completo programa de visitas guiadas monográficas para descubrir os seus diferentes espazos. Englobadas baixo o título Outra mirada, cada quenda de visita afondará nun lugar diferente do complexo do Gaiás, incluíndo os seus edificios, zonas naturais e tamén lugares restrinxidos ao público.
Ferrol, 11 de abril de 2025
O Conselleiro de Cultura Lingua e Xuventude, José López Campos, acompañado pola delegada territorial da Xunta, Martina Aneiros, e a directora xeral de Patrimonio Cultural, Mª del Carmen Martínez, visitou hoxe a igrexa da Nosa Señora das Dores, que abre as súas portas despois de permanecer pechada ao culto desde 2018 e que foi obxecto de varias intervencións desde o 2021 cun investimento total da Xunta de algo máis de 600.000€.
