A Coruña, 9 de abril de 2025

A delegada da Xunta, Belén do Campo, xunto ao director da Axencia Galega das Industrias Culturais, Jacobo Sutil, asistiron á entrega dos XXIV Premios Opinión da Música de Raíz na que levaron a cabo a entrega dun dos galardóns. A gala reuniu a artistas, colectivos e profesionais do sector para recoñecer o mellor da creación musical baseada nas raíces e na tradición galega.

Pontevedra, 9 de abril de 2025

O conselleiro de Cultura, Lingua e Xuventude, José López Campos, salientou hoxe “o vencello coa historia e cultura de Galicia desde o seu propio nacemento” da Coral Polifónica de Pontevedra, en referencia “aos persoeiros ilustres que formaron parte da súa creación como Losada Diéguez ou o mesmo Castelao, a quen celebramos este ano”.

Lugo, 9 de abril de 2025

O presidente da Xunta, Alfonso Rueda, salientou hoxe o compromiso de Alfredo Conde coa calidade literaria e coa identidade galega na entrega dos XXXIII Premios Puro Cora, que este ano recoñecen a traxectoria do escritor e xornalista ourensán.

Lugo, 9 de abril de 2025

A Delegación Territorial da Xunta en Lugo acolle ata o día 30 de abril unha exposición de pintura de Hanoi Vidal, que foi inaugurada hoxe coa presenza do propio autor e do delegado territorial, Javier  Arias, entre outros.

Vidal deixou a súa Cuba natal hai seis meses para instalarse en Lugo, e a mostra reúne máis de 40 obras realizadas neste período para plasmar experiencias sobre a emigración e sobre o día a día desta cidade, cun estilo expresivo influenciado polo arte naif e pop. 

Santiago de Compostela, 8 de abril de 2025

O director xeral de Cultura, Anxo M. Lorenzo, participou hoxe na presentación da oitava edición do ciclo Do Audible 25, a cita que se celebrará a partir do 15 de abril co apoio da Xunta de Galicia e que inclúe a presentación de dúas obras, A arte do Gunzheng e in vain.

Santiago de Compostela, 8 de abril de 2025

O conselleiro de Cultura, Lingua e Xuventude, José López Campos, inaugurou hoxe no Museo Centro Gaiás a exposición Rafael Úbeda. Visión retrospectiva. A mostra abrangue as máis de sete décadas de traxectoria de Rafael Úbeda (Pontevedra, 1932), que, aos seus 93 anos,  presenta unha das grandes exposicións da súa vida, que poderá visitarse ata o vindeiro 7 de setembro.

Santiago de Compostela, 7 de abril

O director da Axencia Galega das Industrias Culturais, Jacobo Sutil, reuniuse hoxe co alcalde de Ribadavia, César Fernández Gil, e coa nova directora artística da Mostra Internacional de Teatro de Ribadavia, Sabela Mendoza, para abordar a renovación do apoio da Xunta de Galicia á organización do certame, que desenvolverá a súa 41ª edición do 18 ao 26 de xullo baixo o lema Escenas en tránsito.

Galicia rexistra un aumento no número de persoas que len libros, sobre todo por lecer, e tamén son máis as que os mercan. En ambos os dous casos, a suba é por riba da media estatal. Así se reflicte no informe avaliado hoxe polo Consello da Xunta, resultado das 1.200 entrevistas realizadas en 2024, das cales 1.100 foron a persoas maiores de 14 anos e as 100 restantes fixéronse a menores entre 10 e 13 anos.

A Xunta de Galicia destina un total de 166.640 euros en 2025 a apoiar o desenvolvemento de proxectos artísticos e culturais nas Residencias Artísticas do Gaiás. O programa prevé este ano colaborar cun total de 157 creadoras e creadores e 39 técnicos, vinculados á danza e as artes escénicas, a música, a literatura, as artes plásticas, o deseño, as artes dixitais e o patrimonio cultural.

Vigo, 7 de abril de 2025

A delegada territorial da Xunta de Galicia en Vigo, Ana Ortiz, presentou este luns os festivais Wake UP! e One Dace que se celebrarán a vindeira Semana Santa no Pavillón 3 do Instituto Feiral de Vigo (Ifevi). A representante autonómica destacou o éxito que xa obtivo o Wake UP! o pasado mes de outubro cando organizou a súa primeira edición.