Trazo (Pontevedra), 29 de marzo de 2025

O conselleiro de Cultura, Lingua e Xuventude, José López Campos, salientou hoxe o “importante papel” que exerce a creación literaria infantil en galego para “incorporar e incrementar novos lectores e falantes á nosa lingua”. Fíxoo durante a súa participación no acto de recoñecemento á escritora Rosalía Morlán como filla predilecta do concello coruñés de Trazo.

Santiago de Compostela, 29 de marzo de 2025

Santiago de Compostela, 29 de marzo de 2025

Santiago de Compostela, 29 de marzo de 2025.- A Consellería de Cultura, Lingua e Xuventude acaba de publicar dúas novas convocatorias de axudas cun importante total de 200.000€ dirixidas ao sector editorial coas que a Xunta apoia e potencia os traballos de tradución, tanto en formato papel como en dixital, en 2025.

A Coruña, 28 de marzo de 2025

A cidade da Coruña acollerá o vindeiro xoves 3 de abril a cerimonia de entrega dos XXIX Premios María Casares de Teatro, que congregará no Teatro Rosalía Castro unha ampla representación do sector escénico galego. A Xunta renova un ano máis a súa colaboración económica coa Asociación de Actores e Actrices de Galicia para a organización destes galardóns, destinados a poñer en valor os mellores traballos do teatro galego durante 2024.

Portas (Pontevedra), 27 de marzo de 2025

O delegado territorial da Xunta de Galicia en Pontevedra, Agustín Reguera, visitou esta mañá, acompañado polo alcalde de Portas, Ricardo Martínez, as obras de restauración do Retablo Maior da Igrexa de San Pedro de Lantaño.

Santiago de Compostela, 27 de marzo de 2025

O conselleiro de Cultura, Lingua e Xuventude, José López Campos, acompañou hoxe un grupo de escolares do colexio Apóstolo Santiago nunha visita organizada pola Xunta ao Salón Teatro, sede da unidade teatral pública, para “celebrar da mellor maneira o Día Mundial do Teatro, coa cativada, creando novos públicos e incentivando o gusto polas artes escénicas das novas xeracións”.

A Coruña, 26 de marzo de 2025

O director da Axencia Galega das Industrias Culturais, Jacobo Sutil, participou hoxe na presentación do programa TRC Danza, organizado polo Teatro Rosalía Castro da Coruña co apoio da Xunta para promover as artes do movemento, no que se inclúen 12 espectáculos e 46 actividades de mediación para o fomento de públicos arredor desta disciplina escénica. Trátase da carteleira para 2025 que, como cada ano, se vai articular en dous bloques temporais de primavera e outono.

Os museos e arquivos xestionados directamente pola Xunta de Galicia contarán este ano cun total de 70 exposicións e máis de 170 actividades na súa programación, consolidándose como grandes xeradores de cultura na Comunidade cunha oferta diversa, de calidade, para todos os públicos e distintos intereses. Así se deu conta hoxe no Consello, onde se analizou o informe con toda a planificación que se estenderá ao longo deste 2025.

A gala de entrega dos Premios da Cultura Galega 2024 celebrarase o vindeiro 23 de abril no Teatro Jofre de Ferrol. Así se informou hoxe no Consello da Xunta que analizou o informe da Consellería de Cultura, Lingua e Xuventude co que se continúa a estratexia de descentralización destes galardóns, que constitúen o maior recoñecemento outorgado en Galicia neste eido e buscan poñer en valor o esforzo e o talento creativo da nosa Comunidade.