Santiago de Compostela, 23 de marzo de 2025.- A Xunta de Galicia ten aberto o prazo de solicitudes para os interesados en participar en residencias literarias fóra de Galicia. Trátase dunha convocatoria publicada xa no Diario Oficial de Galicia dirixida a profesionais da creación literaria co obxectivo de fomentar a difusión das letras galegas e impulsar as relacións con outros centros culturais de referencia.

Santiago de Compostela, 21 de marzo de 2025

Santiago de Compostela, 21 de marzo de 2025

Santiago de Compostela, 20 de marzo de 2025

O Centro Dramático Galego coproduce coa creadora Cris Balboa e o Centro Dramático Nacional o espectáculo Roland mon amour, que se estrea mañá no Teatro María Guerrero de Madrid, onde permanecerá en cartel ata o 20 de abril. Desde a sede da compañía pública estatal porá rumbo cara á da unidade teatral da Xunta de Galicia, no Salón Teatro de Santiago de Compostela, para ofrecer unha función o 10 de maio como parte do festival Escenas do Cambio, promovido pola Consellería de Cultura, Lingua e Xuventude.

Castroverde (Lugo), 19 de marzo de 2025

A Asociación Cultural e Veciñal de Miranda, en Castroverde, celebrou hoxe a inauguración do seu reformado local social logo das obras de mellora que acometeron, para as que a Xunta de Galicia achegou 10.000 euros.

Nos actos participou o delegado territorial de Lugo, Javier Arias, que explicou que os traballos financiados polo Goberno galego permitiron incrementar o confort, seguridade e accesibilidade da sede, situada na antiga escola da localidade. 

Lugo, 19 de marzo de 2025

A Biblioteca Pública Provincial da Xunta en Lugo acolle desde hoxe a exposición itinerante sobre o 150 aniversario da Banda de Música de Paradela, impulsada polo colectivo Egeria. No acto de inauguración participou o delegado territorial, Javier Arias, xunto á directora do centro, María Isabel Pérez Fórneas, e o presidente da entidade organizadora, Xulio Xiz, entre outros.

A Coruña, 19 de marzo de 2025

A delegada da Xunta na Coruña, Belén do Campo, xunto ao director xeral de Cultura, Anxo Lorenzo, participaron, esta mañá, na Xunta de Goberno do Consorcio para a Promoción da Música.

Belén do Campo destacou que o Consorcio para a Promoción da Música da Coruña desempeña un papel esencial no fomento da cultura e na difusión musical na cidade. Grazas ao seu compromiso coa excelencia artística, esta entidade impulsa unha programación variada e de alta calidade que achega a música a todos os públicos.

Santiago de Compostela, 18 de marzo de 2025

O Diario Oficial de Galicia publica hoxe o expediente de incoación para declarar Ben de Interese Cultural (BIC), na categoría de lugar de valor etnolóxico, o conxunto de covas e adegas de Seadur, o que supón a aplicación provisional do réxime de tutela previsto na Lei do Patrimonio Cultural de Galicia e, polo tanto, a protección inmediata destas construcións localizadas no concello de Larouco, na provincia de Ourense.

Ourense, 17 de marzo de 2025

O delegado territorial da Xunta en Ourense, Manuel Pardo, acompañado do alcalde da Veiga, Juan Anta, presentou esta mañá na Delegación Territorial o festival ‘Al–Majisti’, que se desenvolverá os vindeiros 28,29 e 30 de marzo neste concello da alta montaña galega.