Ribadavia (Ourense), 1 de abril de 2025

O director xeral de Cultura, Anxo M. Lorenzo, puxo en valor hoxe o papel dos museos, a través das súas programacións, “na construción dunha sociedade e cultura moito máis diversas”. Fíxoo na inauguración no Museo Etnolóxico de Ribadavia da exposición Somos un Ribeiro diverso, resultado dun obradoiro con nenos e nenas da comarca, de entre 8 e 9 anos de idade, e coa ilustradora María Nóvoa.

Cenlle (Ourense), 1 de abril de 2025

O conselleiro de Cultura, Lingua e Xuventude, José López Campos, visitou hoxe a igrexa de Santa Mariña de Esposende para comprobar o seu estado antes das obras “que están xa adxudicadas e comezarán nos vindeiros días, en canto se coloque a estrutura de andamios, que é laboriosa” para acometer a mellora das condicións de humidade, cun investimento da Xunta de 168.000€.

Ourense, 1 de abril de 2025

O director xeral de Cultura, Anxo M. Lorenzo, participou hoxe na presentación da 30ª edición da Mostra Internacional de Teatro Universitario de Ourense, a cita que se celebra a partir do 23 de abril co apoio da Xunta e que posibilita un importante intercambio cultural que contará con participantes de España, Portugal e Dinamarca.

Santiago de Compostela, 1 de abril de 2025

A Xunta de Galicia abrirá durante as fins de semana o Conxunto Etnográfico das Pallozas do Cebreiro, ampliando así a dispoñibilidade de visitas ao público. Trátase dunha iniciativa coa que o Goberno galego mantén o seu compromiso coa promoción, divulgación e protección do patrimonio e da cultura galegas.

 A Coruña, 31 de marzo de 2025

A Filmoteca de Galicia encara abril cunha ampla renovación da súa carteleira mensual, no marco da que pon en marcha tres novos ciclos dedicados a David Lynch, Frans van de Staak e Albertina Carri.

A Coruña, 31 de marzo de 2025

A delegada da Xunta, Belén do Campo, participou nun encontro de traballo coa representante da Fundación Groba,  Fernanda Flores Méndez. Na reunión estudiaron posibles novas liñas de colaboración entre a administración autonómica e a entidade.

Santiago de Compostela, 30 de marzo de 2025

O programa de dinamización da lectura nas bibliotecas Ler Conta Moito chegará este ano a un total de 194 concellos, que programarán máis de 600 actividades en 243 centros da Rede de Bibliotecas Públicas de Galicia. Así se recolle na resolución da convocatoria que se publicará nos vindeiros días no Diario Oficial de Galicia e que inclúe unha achega de 195.000€.

Quiroga (Lugo), 30 de marzo de 2025

O conselleiro de Cultura, Lingua e Xuventude, José López Campos, acompañado polo delegado territorial da Xunta en Lugo, Javier Arias, e polo director da Axencia Galega da Calidade Alimentaria, Martín Alemparte, participou hoxe na XXV Mostra do Aceite de Quiroga onde destacou a “gran riqueza cultural, paisaxística e gastronómica” que atesoura toda a área da Ribeira Sacra, lembrando a candidatura presentada polo Goberno galego ante a Unesco para ser declarada Patrimonio Mundial no 2026.

O programa de dinamización da lectura nas bibliotecas Ler Conta Moito chegará este ano a un total de 194 concellos, que programarán máis de 600 actividades en 243 centros da Rede de Bibliotecas Públicas de Galicia. Así se recolle na resolución da convocatoria que se publicará nos vindeiros días no Diario Oficial de Galicia e que inclúe unha achega de 195.000€.

Santiago de Compostela, 29 de marzo de 2025