Santiago de Compostela, 8 de setembro de 2024

A Xunta de Galicia e o Musée du Quai Branly-Jacques Chirac (Francia) veñen de asinar un acordo para exhibir este outono en Galicia unha das maiores exposicións internacionais sobre tatuaxe. Co título Tattoo. Arte baixo a pel, a mostra explora a historia e simboloxía cultural, social, estética e relixiosa desta práctica e intenta explicar as razóns de que as tatuaxes estean presentes en todas as épocas históricas e zonas xeográficas do mundo.

A Coruña, 8 de setembro 2024.- O conselleiro de Cultura, Lingua e Xuventude, José López Campos, acompañado polo director xeral de Cultura, Anxo M. Lorenzo, asistirá esta tarde no Palacio da Ópera á representación de La Bohème de Giacomo Puccini. Esta  obra inaugura a 72ª tempada lírica da Coruña e reflicte, segundo enxalzou, “a programación de calidade e prestixio” que cada ano artella a Asociación Amigos de la Ópera da Coruña co apoio da Xunta de Galicia.

Santiago de Compostela, 7 de setembro de 2024

O conselleiro de Cultura, Lingua e Xuventude, José López Campos, asistiu hoxe á estrea da obra Entrañas negras coa que dá comezo a XXIII edición do Festival de Teatro Afeccionado Agustín Magán. Trátase dunha cita que, tal e como explicou, conta co apoio da Xunta de Galicia e que ofrecerá, a partir de este sábado e ata finais de mes, un encontro co teatro amador grazas á participación de seis compañías. 

Arteixo (A Coruña), 7 de setembro de 2024

O conselleiro de Cultura, Lingua e Xuventude, José López Campos, achegouse este sábado a Arteixo para gozar do VI Festival Folk Sisalde onde recoñeceu o gran valor de “unir algo tan noso como é a música dos grupos galegos con espazos naturais como esta fraga á beira do río Sisalde”. Unha proposta, dixo, “que vén afianzar a nosa cultura máis arraigada, esa que nos leva a compartir coa familia e veciñanza unha xornada popular a modo das tradicionais romerías”.

Santiago de Compostela, 7 de setembro de 2024

O conselleiro de Cultura, Lingua e Xuventude, José López Campos, sumarase esta tarde aos centos de familias que se achegarán ao Gaiás a gozar dunha nova edición de Cidade Imaxinaria, que inclúe nesta edición seis espectáculos e oito zonas de actividades. Unha oportunidade, resaltou, para “despedir as vacacións da cativada cunha ampla programación de circo, teatro, maxia e música que encadramos no CulturON, a nosa campaña estival”.

Ribadavia (Pontevedra), 6 de setembro de 2024

O director xeral de Cultura, Anxo M. Lorenzo, resaltou o importante que é “achegarse á nosa cultura desde moi diversas perspectivas e en moi distintos eidos, descubrindo a nosa historia e as persoas que interviron nela, neste caso no campo da transmisión musical”. Así o destacou esta tarde na inauguración da mostra As historias da música gravada en Galicia no Museo Etnolóxico de Ribadavia. 

Carballo (A Coruña), 6 de setembro de 2024

A Pobra do Brollón (Lugo), 6 de setembro de 2024

O delegado territorial da Xunta en Lugo, Javier Arias, visitou esta mañá o xacemento arqueolóxico de Penas do Castelo, na parroquia de Salcedo na Pobra do Brollón, onde se veñen de rexistrar novos achados no marco da cuarta campaña de escavacións que se desenvolve no castro desde a semana pasada.

Santiago de Compostela, 5 de setembro 2024

O conselleiro de Cultura, Lingua e Xuventude, José López Campos, acompañado polo director xeral de Cultura, Anxo M. Lorenzo, visitou esta mañá a exposición O legado Ángel. Arte e oficio en Compostela, que acolle o Colexio de Fonseca da Universidade de Santiago ata finais de mes e que conta coa colaboración da Xunta de Galicia.

Vigo, 5 de setembro de 2024

O conselleiro de Cultura, Lingua e Xuventude, José López Campos, asistiu esta tarde en Vigo a unha das sesións de rodaxe de Romería, o novo filme da premiada realizadora catalá Carla Simón, que conta cunha subvención de 300.000 euros por parte da Xunta para contribuír á súa filmación en Galicia.