Santiago de Compostela, 6 de decembro de 2024.- A Xunta de Galicia vén de abrir ata o vindeiro 20 de xaneiro, o prazo de inscrición ao catálogo Ler Conta Moito 2025 a iniciativa coa que as empresas e profesionais galegos poden propoñer diferentes actividades de dinamización da lectura nas bibliotecas públicas galegas.
A Laracha, (A Coruña), 4 de decembro de 2024
Lugo, 4 de decembro de 2024
O Conservatorio Profesional de Danza de Lugo está a pechar o programa de actos de conmemoración do seu vixésimo aniversario, que durante os últimos meses desenvolveu no propio centro e en distintos espazos da cidade.
Santiago de Compostela, 4 de decembro de 2024
O secretario xeral da Lingua, Valentín García, presentou hoxe a programación de Nadal en Rede, a campaña de dinamización lingüística que impulsa a Xunta de Galicia e que celebra a súa décimo terceira edición achegando propostas de lecer en galego a unha trintena de concellos durante a época festiva.
Santiago de Compostela, 4 de decembro de 2024
A Rede Galega de Teatros e Auditorios, o circuíto anual de espectáculos promovido pola Xunta en colaboración con 40 entidades locais asociadas, ofrecerá durante o primeiro semestre de 2025 en Santiago de Compostela 10 funcións de cinco propostas a cargo das compañías galegas Teatro do Noroeste, Teatro de Ningures, Etiqueta Negra, Berrobambán e Producións Teatrais Excéntricas.
A Coruña, 4 de decembro de 2024
A Filmoteca de Galicia recibiu na tarde de onte a directora catalá Carla Simón para unha sesión do seu ciclo Close-Up sobre cinema e perspectiva de xénero, que volveu rexistrar outro cheo absoluto na Sala José Sellier como xa o fixera no anterior encontro, protagonizado en novembro por Pilar Palomero.
Santiago de Compostela, 3 de decembro de 2024
A Xunta de Galicia convida as familias a descubrir na Cidade da Cultura a instalación Yule, un Nadal viquingo no Gaiás, que coa exposición Unha vida viquinga como pano de fondo, nos transporta ao mundo nórdico e ás súas tradicións e símbolos do solsticio de inverno, ao tempo que acolle ao longo destas festas sesións de contacontos e obradoiros creativos para a rapazada.
Pontevedra, 3 de decembro de 2024
Novos Cinemas, Festival Internacional de Cinema de Pontevedra, anunciou hoxe a programación completa da súa novena edición, que se desenvolverá na capital do Lérez do 10 ao 15 de decembro. O certame pontevedrés pecha, ademais, o calendario anual de mostras audiovisuais subvencionadas pola Xunta de Galicia, que este 2024 distribuíu 300.000 euros entre 10 eventos a través da súa liña específica de axudas.
Neda (A Coruña), 3 de decembro de 2024
A Xunta destina este ano 50.400 euros en axudas aos concellos de Ares, Cedeira, Neda e Valdoviño para equipamento e mellora das instalacións e locais empregados para a realización de actividades culturais. A delegada territorial de Ferrol, Martina Aneiros, informou destas axudas no marco dunha visita realizada esta mañá xunto ao alcalde de Neda, Ángel Alvariño, á Casa da Cultura da localidade para comprobar o novo equipamento incorporado con cargo a esta liña de axudas da Consellería de Cultura, Lingua e Xuventude.
Ferrol, 2 de decembro de 2024
O conselleiro de Cultura, Lingua e Xuventude, José López Campos, acompañado pola delegada da Xunta en Ferrol, Martina Aneiros, participou hoxe nunha xuntanza co alcalde da cidade, José Manuel Rey, e co almirante xefe do Arsenal Militar, Gonzalo Villar, para avaliar conxuntamente o estado do expediente da candidatura Cidade de Ferrol: Porto da Ilustración a Patrimonio Mundial.
