Lugo, 28 de novembro de 2024

A Xunta de Galicia participa no patrocinio do ciclo Momentos Alhambra Acustiquísimos 2024, que se pechará o vindeiro sábado, día 30, co concerto de Marwán no Círculo das Artes de Lugo. Na presentación da cita participaron o delegado territorial, Javier Arias; o presidente da sociedade recreativa, Miguel Caraduje; Alberto Alfonso en representación de Artmusic, e Iago de la Iglesia, xestor comercial de Cervexas Alhambra.

Santiago de Compostela, 27 de novembro de 2024

O conselleiro de Cultura, Lingua e Xuventude, José López Campos, participou hoxe na entrega do XVII Premio de Novela Europea Casino de Santiago, que recibiu Juan Tallón polo libro Obra Maestra, onde gabou o certame por “fomentar o hábito lector da sociedade galega con ese incentivo de ser partícipes na elección das publicacións favoritas”.

Castro Caldelas (Ourense), 27 de novembro de 2024

A directora xeral de Patrimonio Cultural, Mª del Carmen Martínez, destacou a importancia do patrimonio relixioso que alberga a Ribeira Sacra e puxo en valor o compromiso da Xunta de Galicia na súa protección a través de diferentes intervencións. Así o salientou hoxe na inauguración, en Castro Caldelas, do novo Museo de Arte Sacra na igrexa de Santa Isabel de Cimadevila.

Santiago de Compostela, 27 de novembro de 2024

Santiago de Compostela, 27 de novembro de 2024

A Rede de Bibliotecas Públicas de Galicia continúa a manter a tendencia de crecemento de usuarios, préstamos e actividades que recuperou en 2021, tras o impacto que supuxo a pandemia neste servizo polo confinamento e restricións de mobilidade. Así o reflicte o informe que analizou, entre 2019 e 2023, a evolución destes indicadores e que foi presentado hoxe polo conselleiro de Cultura, Lingua e Xuventude, José López Campos.

Lugo, 27 de novembro de 2024

A Xunta de Galicia patrocina o concerto que ofrecerá Marina Reche este venres, 29 de novembro, no Círculo das Artes de Lugo. Será a partir das 21,00 horas.

Ponteceso (A Coruña), 26 de novembro de 2024

O director xeral de Cultura, Anxo M. Lorenzo, continuou hoxe en Ponteceso a rolda de xuntanzas que, ao longo destas semanas, está a manter con xestores e industrias culturais, equipamentos museísticos, federacións, asociacións e fundacións, entre outras entidades, tanto para dar a coñecer de primeira man a Rede Adival de dinamización da cultura no rural de Galicia como para escoitar as súas propostas e suxestións.

A Coruña, 26 de novembro de 2024

O experto en cinema e audiovisual Jaime Pena foi nomeado novo director da Filmoteca de Galicia, posto que pasa a ocupar despois de ter desenvolvido a maior parte da súa actividade profesional como programador da cinemateca da Xunta durante máis de tres décadas.  

Marín (Pontevedra), 26 de novembro de 2024

A carpa de Circo de Pinocho, o novo espectáculo da compañía galega EducaTeatro producido con apoio á creación escénica da Xunta de Galicia, abrirá as súas portas esta fin de semana en Marín para ofrecer catro funcións (venres ás 18,30 h., sábado ás 17,00 h., e domingo ás 12,00 e 17,00 h.) nas que o público de todas as idades poderá gozar desta montaxe que une a literatura clásica universal en versión galega coas artes interpretativas do xénero circense.

Santiago de Compostela, 26 de novembro de 2024

O circo volve protagonizar por noveno ano consecutivo o encontro D10! para a formación e innovación neste ámbito artístico, que se desenvolve en Santiago de Compostela ata o 4 de decembro co Salón Teatro e a Cidade da Cultura de Galicia como dúas das súas sedes. A Xunta de Galicia patrocina este evento, que este ano se estende tamén a Pontevedra no marco da feira Culturgal.