Santiago de Compostela, 24 de novembro de 2024
A Xunta de Galicia proxecta unha vez máis a cultura galega a nivel internacional coa súa participación a partir do vindeiro sábado na Feira Internacional do Libro de Guadalaxara, en México, o evento editorial profesional máis relevante de Iberoamérica que se estenderá ata o 8 de decembro.
Ribadavia (Ourense), 23 de novembro de 2024
O conselleiro de Cultura, Lingua e Xuventude, José López Campos, anunciou hoxe que a Xunta iniciará este luns, día 25, a incoación do expediente para a declaración de Ben de Interese Cultural da música e o baile tradicionais galegos, “co que pasará a contar coa máxima protección, acorde coa súa relevancia no noso patrimonio inmaterial”.
Santiago de Compostela, 23 de novembro de 2024
A Xunta de Galicia colabora un ano no Día da Ilustración coa Asociación Galega de Profesionais da Ilustración, que para o 2025 homenaxeará a Xosé Vizoso, un artista gráfico que, alén dunha ampla traxectoria como deseñador e ceramista, ten tamén unha importante produción como cartelista, muralista e ilustrador de libros. O recoñecemento ao autor de Mondoñedo é o primeiro que se fai en vida, xa que en anteriores edicións a efeméride centrouse en reivindicar a referentes históricos e pioneiros nesta disciplina.
Santiago de Compostela, 22 de novembro de 2024
Santiago de Compostela, 22 de novembro de 2024
A música e as artes escénicas galegas viaxaron a unha vintena de países nos últimos 12 meses co apoio económico da Xunta de Galicia, que lles achegou preto de 460.000 euros ás 71 empresas culturais subvencionadas este ano mediante a convocatoria para as actividades de distribución nas industrias culturais.
Santiago de Compostela, 21 de novembro de 2024
O festival Cineuropa acolleu hoxe a preestrea da sexta longametraxe da directora Margarita Ledo Andión, Prefiro condenarme, filmada co apoio da Xunta de Galicia a través dunha axuda de 80.000 euros á produción audiovisual na convocatoria do pasado ano e que aborda a historia de Sagrario Ribela Fra, mariscadora ferrolá xulgada por adulterio en 1972.
Santiago de Compostela, 21 de novembro de 2024
O conselleiro de Cultura, Lingua e Xuventude, José López Campos, puxo en valor hoxe o papel que xoga a cultura como “catalizadora activa” na dinamización da vida nas cidades. Fíxoo na inauguración da nova sala cultural de El Corte Inglés en Santiago de Compostela, á que asistiu acompañado do director xeral de Cultura, Anxo M. Lorenzo.
A Coruña, 21 de novembro de 2024
O director xeral de Cultura, Anxo M. Lorenzo, inaugurou hoxe a mostra Convidadas: dúas miradas de Zuloaga, que acolle o Museo de Belas Artes da Coruña e coa que se inicia un novo ciclo de exposicións que traerá obras doutros museos e coleccións españolas a este espazo. Esta primeira proposta é unha colaboración co Museo Nacional Centro de Arte Reina Sofía que achega ata a institución coruñesa dous retratos feitos por Ignacio Zuloaga, mantendo un diálogo con outras obras da propia colección permanente do museo.
Santiago de Compostela, 21 de novembro de 2024
O Centro Dramático Galego acaba de iniciar a primeira quenda de ensaios de A burra, a mesa e o pau, primeira produción propia da temporada 2024-2025, que ten prevista a súa estrea o 6 de marzo no Salón Teatro de Santiago de Compostela. Con dirección e dramaturxia de Lorena Conde, o elenco de 15 intérpretes seleccionado nas audicións do pasado mes de outubro porá en escena este espectáculo, no que traballa xa xunto ao resto do equipo artístico e do persoal técnico da unidade teatral da Xunta de Galicia.
Ribadavia (Ourense), 21 de novembro de 2024
O director da Axencia Galega das Industrias Culturais, Jacobo Sutil, visitou hoxe en Ribadavia a filmación da curtametraxe As maos das pulpeiras, proxecto que desenvolve a produtora pontevedresa Matriuska con apoio da Xunta de Galicia a través da convocatoria de subvencións deste ano á produción audiovisual. A visita tivo lugar en concreto durante as escenas que se están a rodar na Taberna Papuxa, antiga bodega e dos lugares máis emblemáticos do barrio xudeu da localidade e de toda a comarca do Ribeiro.
