Santiago de Compostela, 11 de decembro de 2024

O conselleiro de Cultura, Lingua e Xuventude, José López Campos, acompañado polo director xeral de Cultura, Anxo M. Lorenzo, deu a coñecer hoxe o Calendario do Libro e da Lectura de Galicia para o vindeiro ano, que inclúe datas de homenaxe a Alfonso Rodríguez Castelao con motivo do 75 aniversario do seu falecemento e a Isaac Díaz Pardo, a quen se lle dedica no 2025 o Día das artes galegas.

Lugo, 10 de decembro de 2024

O delegado territorial da Xunta, Javier Arias, reuniuse con representantes da plataforma Muro para informar sobre a decisión do Goberno autonómico de consignar medio millón de euros nos orzamentos do vindeiro ano para cofinanciar o futuro Museo da Romanización de Lugo.

Arias destacou que a Xunta “é a primeira Administración en dar un paso adiante para facer realidade o Museo da Romanización no cuartel de San Fernando”, se ben precisou que “é necesario que se dea algún avance tamén por parte doutras administracións”.

A Coruña, 10 de decembro 2024

O conselleiro de Cultura, Lingua e Xuventude, José López Campos, defendeu hoxe a “relevante contribución” dos certames literarios en galego para “prestixiar á nosa lingua o que, consecuentemente, acaba repercutindo nun maior uso social”. Así o destacou na entrega na Coruña do XIII Premio Narrativa Breve Repsol a Alberto Ramos pola obra Pirotecnia, nun acto no que estivo acompañado pola delegada territorial da Xunta, Belén do Campo, e polo secretario xeral da Lingua, Valentín García.

Santiago de Compostela, 10 de decembro de 2024

A Xunta de Galicia publica hoxe no Diario Oficial de Galicia a resolución de axudas para colaborar con particulares na realización de máis dunha trintena de intervencións arqueolóxicas. Trátase dunha convocatoria dirixida aos promotores particulares de calquera tipo de obras que afecten a un monumento, conxunto histórico, zona arqueolóxica ou xacementos catalogados ou inventariados.

Santiago de Compostela, 10 de decembro de 2024

Ourense, 10 de decembro de 2024

O conselleiro de Cultura, Lingua e Xuventude, José López Campos, enxalzou hoxe “o papel esencial” que desenvolven a música e cantos tradicionais na preservación e na divulgación da cultura e lingua galegas. Fíxoo durante a entrega en Ourense do Premio Otero Pedrayo 2024 á Coral de Ruada, nun acto no que estivo acompañado polo delegado territorial da Xunta, Manuel Pardo, e polo director xeral de Cultura, Anxo M. Lorenzo.

Santiago de Compostela, 9 de decembro de 2024

O Salón Teatro, sede do Centro Dramático Galego en Santiago de Compostela, volve ser un dos escenarios do ciclo de teatro en lingua portuguesa Quintas do Camões, promovido polo Camões-Centro Cultural Portugués en Vigo. Un ano máis, a unidade teatral da Xunta de Galicia colabora con esta iniciativa co obxectivo de poñer o foco nas raíces comúns dos idiomas galego e portugués, así como de estreitar lazos entre o teatro e a cultura de ambos os países.

Pantón (Lugo), 5 de decembro de 2024

A Xunta de Galicia organiza para este domingo, día 8, unha visita guiada ao xacemento medieval do Preguntoiro, en Pantón, como remate da cuarta campaña arqueolóxica que se veu desenvolvendo nos últimos meses. A participación é totalmente gratuíta e non precisa inscrición previa. As persoas interesadas reuniranse ás 11.30 horas da mañá no lavadoiro de Cibrisqueiros.

Santiago de Compostela, 6 de decembro de 2024.- A Xunta de Galicia vén de abrir ata o vindeiro 20 de xaneiro, o prazo de inscrición ao catálogo Ler Conta Moito 2025 a iniciativa coa que as empresas e profesionais galegos poden propoñer diferentes actividades de dinamización da lectura nas bibliotecas públicas galegas.

A Laracha, (A Coruña), 4 de decembro de 2024