O Consello da Xunta aprobou hoxe o convenio anual coa Asociación Culturgal por importe de 85.000 euros para a organización da 17ª edición da feira homónima, que reunirá público e profesionais das industrias creativas galegas no Pazo da Cultura de Pontevedra do 29 de novembro ao 1 de decembro. Revalídase deste xeito a colaboración económica do Goberno galego con este encontro, cun progresivo incremento desta axuda nos últimos anos en consonancia co propio crecemento do evento.

As Feiras do Libro sumaron máis de 17.000 visitantes e posibilitaron a celebración de 900 actividades na edición deste ano. Así se desprende do informe avaliado hoxe polo Consello da Xunta no que se analiza a evolución destas citas entre os anos 2022 e 2024. Así, tal e como se recolle neste estudo, este ano celebráronse 13 citas que contaron coa realización de iniciativas como sinatura de libros, presentación de novidades, recomendacións literarias, charlas e coloquios con creadores, espectáculos, musicais e propostas específicas para o público infantil.

Monforte de Lemos (Lugo), 21 de outubro de 2024

A directora xeral de Patrimonio, Mª del Carmen Martínez, participou hoxe na 21ª edición do Foro Territorios Patrimonio que se desenvolve no marco do traballo feito pola Consellería de Cultura, Lingua e Xuventude para que Ribeira Sacra sexa Patrimonio da Humanidade pola Unesco. Trátase de dúas xornadas que, durante hoxe e mañá, transforman o Parador de Monforte nun espazo de reflexión, coñecemento e conexión sobre o territorio.

Santiago de Compostela, 21 de outubro de 2024

Pontevedra, 20 de outubro de 2024

O Conselleiro de Cultura, Lingua e Xuventude, José López Campos, participou esta noite no acto de clausura do XVII Certame Galego de Bandas de Música Populares, unha cita que se desenvolve desde o venres no Pazo da Cultura de Pontevedra coa colaboración económica da Xunta de Galicia no marco do seu apoio á actividade anual da Federación Galega de Bandas de Música Populares, integrada por 94 formacións das catro provincias.

Santiago de Compostela, 20 de outubro de 2024

A exposición Tattoo. Arte baixo a pel, impulsada pola Xunta de Galicia e o musée du quai Branly–Jacques Chirac (Francia) coa colaboración da Fundación “la Caixa”, exhibirá a partir do vindeiro xoves 24 de outubro na Cidade da Cultura obras dalgúns dos mellores artistas da tatuaxe actual nun formato único e innovador.

Santiago de Compostela, 19 de outubro 2024

A Xunta de Galicia vén de adquirir para a colección permanente do Centro Galego de Arte Contemporánea catro obras da artista pontevedresa Ariadna Silva. Son fotografías dunha serie que leva por título Friccións e que formou parte do programa expositivo Aberto 24, unha iniciativa da Asociación de Galerías de Arte de Galicia que conta co apoio da Consellería de Cultura, Lingua e Xuventude.

Vigo, 19 de outubro de 2024

O conselleiro de Cultura, Lingua e Xuventude, José López Campos, participou esta mañá na gala de entrega dos XLVII Premios da Crítica de Galicia, que desde 1978, e de maneira ininterrompida, recoñecen a excelencia a nivel individual e colectivo en diversos ámbitos da creación cultural e da investigación na Comunidade. Un certame, apuntou o representante da Xunta, que “merece un total recoñecemento por ser quen de seguir distinguindo ao longo dos anos aos profesionais do mundo da cultura, sendo dos premios máis lonxevos neste eido”.

Vic (Barcelona), 19 de outubro 2024

A Xunta de Galicia, a través dunha delegación da Consellería de Cultura, Lingua e Xuventude, destacou o importante papel das Furgotecas no Impulso dunha cultura máis inclusiva e accesible. Fíxose no marco do XI Congreso Nacional de Bibliotecas Móbiles que se está celebrando esta fin de semana na localidade de Vic, en Cataluña.

A Coruña, 18 de outubro de 2024

O conselleiro de Cultura, Lingua e Xuventude, José López Campos, puxo hoxe en valor hoxe a “importante contribución á diversidade e á variada oferta cultural” existente Galicia, que supón a programación da Fundación Barrié. Fíxoo co gallo da súa participación na inauguración, na sede desta institución na Coruña, da exposición  Nick Knight: Roses from my Garden, a primeira mostra monográfica dedicada a este fotógrafo internacional en España.