Madrid, 2 de outubro de 2024

O director da Axencia Galega de Industrias Culturais da Xunta de Galicia, Jacobo Sutil, participou hoxe en Madrid nunha reunión previa do comité de selección de AIEn ruta Artistas, o circuíto nacional de distribución de música que impulsa e coordina a Sociedad de Artistas Intérpretes o Ejecutantes (AIE) xunto a distintas entidades colaboradoras públicas e privadas de todo o territorio español.

Santiago de Compostela, 2 de outubro de 2024

O ciclo Mestre Mateo de cinema galego inclúe por primeira vez na súa programación as curtametraxes finalistas na pasada edición dos Premios Mestre Mateo grazas á colaboración entre a Axencia Galega das Industrias Culturais, o Instituto de la Cinematografía y de las Artes Audiovisuales e a Academia Galega do Audiovisual. Será un total de nove filmes que se van proxectar en 24 concellos de Galicia localizados fóra da contorna das grandes cidades e que non contan cunha oferta de salas comerciais.

A Estrada (Pontevedra), 1 de outubro de 2024

Santiago de Compostela, 1 de outubro de 2024

O conselleiro de Cultura, Lingua e Xuventude, José López Campos, reivindicou hoxe a Frei Martín Sarmiento como referente para a consecución dun “novo Rexurdimento” no prestixio do uso do galego que potencie o seu emprego en todos os eidos e por todas as xeracións. Así o defendeu na presentación do número 20 de Monografías de Cuardernos de Estudios Galegos, dedicado a unha investigación profusa sobre a ascendencia materna deste ilustre persoeiro, realizada por Elías Palacio Bermúdez de Castro.

Ourense, 2 de outubro de 2024

Santiago de Compostela, 1 de outubro de 2024

O Salón Teatro de Santiago de Compostela acolle este xoves 3 de outubro ás 20,00 horas a reestrea de Terceiro acto, produción propia do Centro Dramático Galego de 2021 que regresa aos escenarios como parte da recta final da actividade que a unidade teatral da Xunta de Galicia ten programada para conmemorar o seu 40º aniversario. O espectáculo, con novos nomes no elenco, permanecerá en cartel na capital de Galicia ata o día 20, para iniciar despois unha xira por outros oito concellos galegos.

Santiago de Compostela, 30 de setembro de 2024

O escritor Miguel Rodríguez coa obra Penácaros fíxose esta tarde co XXII Premio de Poesía Afundación, promovido por esta institución, pola Xunta de Galicia e o Centro PEN Galicia. No fallo do certame estivo presente o director xeral de Cultura, Anxo M. Lorenzo, quen destacou a contribución á produción poética en galego e ao enriquecemento da creación cultural galega durante máis de 20 anos.

Santiago de Compostela, 30 de setembro de 2024

O director xeral de Cultura, Anxo M. Lorenzo, visitou hoxe, coincidindo co Día Internacional da Tradución, as residencias que se están a desenvolver simultaneamente na illa de San Simón. Trátase de iniciativas impulsadas pola Xunta de Galicia no marco do seu compromiso coa promoción da creación artística a través de propostas que chamen aos escritores e escritoras a somerxerse nun entorno especial e potenciar así a súa creatividade.

Santiago de Compostela, 30 de setembro de 2024

A 21ª edición do Festival Internacional de Cinema Curtocircuíto exhibirá a partir de mañá e ata o 6 de outubro co apoio da Xunta un total de 41 películas de pequeno formato procedentes de 16 países, distribuídas en tres apartados: a sección oficial Cosmos, Planeta GZ para as propostas máis singulares de Galicia, e Supernova, dedicada ao cinema emerxente galego, ademais dunha ampla programación paralela que se estende ao pensamento e ás artes sonoras e visuais máis vangardistas.

Lugo, 30 de setembro de 2024

A Xunta apoia o festival Oktoberink, que se desenvolverá en Lugo a fin de semana do 5 e o 6 de outubro organizado pola Asociación Galega de Arte Corporal.

O delegado territorial, Javier Arias, e o presidente do colectivo, Iván López Piñeiro, xunto a outros participantes na iniciativa presentaron hoxe o programa na Delegación Territorial da Xunta. O evento tamén servirá para dar a coñecer a propia asociación, recentemente impulsada dende Lugo co fin de defender os intereses do sector e a profesionalización dos seus integrantes.