Santiago de Compostela, 29 de setembro de 2024

Sober (Lugo), 28 de setembro de 2024

A Xunta de Galicia celebrará a finais do vindeiro mes de outubro un congreso internacional no concello ourensán de Nogueira de Ramuín, co obxecto de impulsar a candidatura de Paisaxe da auga: Ribeira Sacra para que acade en 2026 o recoñecemento pola Unesco como Patrimonio Mundial.

Cambados (Pontevedra), 28 de setembro de 2024

O secretario xeral da Lingua, Valentín García, celebrou, na súa véspera, o Día Internacional da Tradución co acto da entrega do Premio Plácido Castro de Tradución, que na súa XXII edición recaeu en Tamara Andrés e Oriana Méndez pola obra As iluminacións, de Arthur Rimbaud.

Santiago de Compostela, 28 de setembro de 2024

A obra Graxa do escritor culleredense Manuel Vila Iglesias gañou a 10º edición do premio de relato curto Nortear, impulsado pola Xunta. A iniciativa nace da Agrupación Europea de Cooperación Territorial da Eurorrexión Galicia-Norte de Portugal e a Consellería de Cultura, Lingua e Xuventude, en colaboración coa Comisión de Coordinación e Desenvolvemento Rexional do Norte, Instituto Público (CCDR-Norte,IP), para o recoñecemento de pezas literarias en galego ou portugués.

Ourense, 27 de setembro de 2024

Os conselleiros de Cultura, Lingua e Xuventude, José López Campos, e de Emprego, Comercio e Emigración, José González, asistiron á cerimonia inaugural da 29ª edición do Ourense Film Festival (OUFF)m A película elixida para abrir o certame foi Adolfo Domínguez: El eco de otras voces, documental sobre o deseñador galego dirixido pola súa filla Adriana Domínguez, que compite con outras nove producións con participación galega dentro da sección a concurso Panorama Galicia.

Taboada (Lugo), 27 de setembro de 2024

O secretario xeral da Lingua, Valentín García, participou hoxe na presentación da obra gañadora da XVI edición do Certame de Investigación Condado de Pallares, A arquitectura bieita do Condado de Pallares: os mosteiros femininos desaparecidos, de Alberta Lorenzo, onde salientou a divulgación do patrimonio e da cultura que se fai a través deste premio.

A Estrada (Pontevedra), 27 de setembro de 2024

O director xeral de Cultura, Anxo M. Lorenzo, participou hoxe no acto de apertura do IV Encontro internacional sobre hórreos que se celebra durante esta fin de semana na Estrada. No marco desta xuntanza puxo en valor o compromiso da Xunta de Galicia coa protección deste tipo de construcións como elementos representativos do patrimonio cultural galego.

Alacant (Valencia), 26 de setembro de 2024

O conselleiro de Cultura, Lingua e Xuventude, José López Campos, enxalzou hoxe o modelo lingüístico existente en Galicia, que definiu como “cordial e integrador” e do que puxo en valor que “non xera conflitos” entre a sociedade galega. Así o defendeu tras a súa participación esta mañá no Consello das Linguas Oficiais na Administración Xeral do Estado, celebrado na cidade valenciana de Alacant.

Verín (Ourense), 26 de setembro de 2024

A directora xeral de Xuventude, Lara Meneses, visitou hoxe aos preto de vinte mozos que participan no encontro Sons ao Lado, onde destacou a posta en marcha desta proposta que fomenta a inmersión cultural entre a mocidade de Galicia e Portugal a través de actividades relacionadas coa música.

Santiago de Compostela, 26 de setembro de 2024

O director da Axencia Galega de Industrias Culturais da Xunta de Galicia, Jacobo Sutil, mantivo unha reunión coa presidenta da Asociación Galega e Empresas de Artes Escénicas - Escena Galega, Patricia de Lorenzo, para abordar o contido da vindeira convocatoria da liña de subvencións á creación escénica que rexerá para a produción de espectáculos galegos de teatro, danza, circo e maxia durante 2025.