‘As liñas descontinuas’, segunda longa de Anxos Fazáns, ródase en Marín e Vigo co apoio da Xunta

Marín (Pontevedra), 29 de outubro de 2024

O director da Axencia Galega das Industrias Culturais, Jacobo Sutil, e o delegado territorial da Xunta en Pontevedra, Agustín Reguera Oca, asistiron hoxe no lugar de Aguete, en Marín, á filmación de varias das secuencias de As liñas descontinuas, a segunda longametraxe de Anxos Fazáns, que se grava este mes de outubro entre este concello pontevedrés e Vigo e que está integramente rodada en galego.

Galego

A Xunta continúa co plan de intervencións arqueolóxicas con actuacións no Castro de Cameixa

Ourense, 28 de outubro de 2024

O delegado territorial da Xunta en Ourense, Manuel Pardo, desprazouse esta mañá ao concello de Boborás para, da man da súa alcaldesa, Patricia Torres, supervisar o comezo dos novos traballos de consolidación e acondicionamento no Castro de Cameixa, co obxectivo de ampliar a súa investigación e revalorización. A actuación enmárcanse no Plan de intervencións arqueolóxicas da Consellería de Cultura, Lingua e Xuventude, que neste ano contempla un total de 32 accións en 30 concellos de todo o territorio.

Galego

O Xuventude Crea outorga os premios de teatro a Luscofusco de Rianxo e Coidadobastón! de Redondela

Santiago de Compostela, 28 de outubro de 2024

A Xunta de Galicia deu a coñecer hoxe os grupos gañadores da especialidade de teatro do certame Xuventude Crea 2024, despois das representacións que tiveron lugar durante a fin de semana no Salón Teatro de Santiago. Na fase final desta categoría o xurado outorgou o primeiro premio na modalidade Amador a Luscofusco, de Rianxo (A Coruña), coa obra Fraktal, e no apartado Pro a Coidadobastón!, de Redondela (Pontevedra), coa función Recordari.

Galego

Ana Ortiz destaca o festival Wake UP! que acollerá o Ifevi como o evento de música electrónica “máis importante de Galicia”

Vigo, 28 de outubro de 2024

A delegada territorial da Xunta de Galicia en Vigo, Ana Ortiz, presentou este luns o Wake UP! Festival Special Halloween que se celebrará o vindeiro xoves, 31 de outubro, no Pavillón 3 do Instituto Feiral de Vigo (Ifevi). Na súa comparecencia, acompañada por Luis Diz, CEO do Grupo Pelicano, e José Patiño, director de Wake Up! Electronic Parties, a representante autonómica destacou que se trata do “evento de música electrónica nun recinto pechado máis importante de Galicia”.

Galego

Rueda defende a candidatura da Ribeira Sacra a Patrimonio Mundial como unha proposta idónea, traballada e de consenso

Parada de Sil (Ourense), 27 de outubro de 2024

O presidente da Xunta, Alfonso Rueda, destacou hoxe que a Ribeira Sacra reúne todos os requisitos para ser declarada Patrimonio Mundial pola Unesco, un recoñecemento ao que opta como candidatura para o 2026.

Galego

One Cut of the Dead

Para esta noite de Halloween, no Cine Clube Tui, temos unha película de zombis xaponesa, na que nada é como parece. Unha producción de terror de baixo orzamento convírtese nun verdadeiro inferno cando zombies reais irrumpen na rodaxe. Ou alomenos eso parece. Nesta intelixente cinta sobre cinema no cinema, tras un disfraz de película de serie B escóndese un canto á paixón da xente que intenta facer cine contra toda adversidade, quen non compromete a visión artística sen importar o valor que os demáis lle dean ó producto final. Todo iso, con zombis e unha boa dose de horror e risas.

Galego

One Cut of the Dead

One Cut of the Dead é unha película de zombis, como nunca viches. Para esta sesión de Halloween do cine-clube decidimos optar polos zombis xaponeses máis aloucados, nunha cinta na que a grabación dunha película de terror convírtese nunha pesadilla verdadeira. Unha divertidísima ficción na que todo o que sucede pretende enganarte, unha intelixente comedia disfrazada de película de horror de serie B, que despóis dunha primeira media hora predecible, vólvese do revés e non deixa de sorprender.
Entrada xeral de 4,5€ , Entrada para socios de 2€.

Galego

Páxinas

Subscribirse a Cultura de Galicia RSS