Pontevedra, 18 de outubro de 2024

A Xunta de GalicIa incluirá preto de 2,5 M€ nos orzamentos de 2025 para actuar en tres significativos bens patrimoniais da cidade de Pontevedra, como son o convento de Santa Clara, o santuario da Virxe da Peregrina e a basílica de Santa María a Maior. Así o anunciou o conselleiro de Cultura, Lingua e Xuventude, José López Campos, quen enmarcou estas actuacións na estratexia do Goberno galego para reforzar o coidado e preservación “nas mellores condicións da gran riqueza patrimonial desta cidade e de toda Galicia”.

Santiago de Compostela, 18 de outubro de 2024

O CDGLab, o programa formativo no que colaboran o Centro Dramático Galego e a Escola Superior de Arte Dramática de Galicia, iniciou cunha visita técnica ao Salón Teatro a actividade da súa quinta edición para ofrecerlle ao alumnado un achegamento á realidade escénica galega que lle facilite adquirir competencias e habilidades na súa incorporación ao mercado laboral.

Santiago de Compostela, 17 de outubro de 2024

O conselleiro de Cultura, Lingua e Xuventude, José López Campos, erixiu hoxe a Ledicia Costas como “exemplo e referente” da “enorme calidade” da literatura e lingua galegas que contan cun “xusto recoñecemento e prestixio dentro e fóra de Galicia”. Así o aseverou durante a súa participación na homenaxe a escritora viguesa celebrado hoxe na Cidade da Cultura co gallo do Día das Escritoras, efeméride que este ano se celebrou o 14 de outubro.

Lugo, 17 de outubro de 2024

A Consellería de Cultura, Lingua e Xuventude licita hoxe traballos de conservación preventiva no monumento de Santa Eulalia de Bóveda, nos que investirá 48.300 euros. 

O delegado territorial da Xunta en Lugo, Javier Arias, visitou o conxunto e explicou que se realizarán labores de mantemento e actuacións orientadas a estudar a hidráulica do edificio e os efectos das condicións ambientais e climatolóxicas, singularmente a acción do sol. O prazo estimado de execución é dun ano.

Santiago de Compostela, 17 de outubro 2024

Santiago de Compostela, 17 de outubro de 2024

Este sábado 19 e outubro, ás 19,00 h., o Auditorio de Galicia acollerá a estrea estatal da produción do Teatro Nacional São João de Porto As bruxas de Salem, dirixida por Nuno Cardoso a partir do texto orixinal de Arthur Miller. O Centro Dramático Galego en colaboración co Concello de Santiago de Compostela posibilita esta representación no marco das liñas de traballo abertas entre a unidade de produción teatral da Xunta coa escena lusa e da carteleira Quintas do Camoẽs.

Ferrol, 17 de outubro de 2024

A delegada territorial da Xunta en Ferrol, Martina Aneiros, asistiu esta mañá no Museo Naval á inauguración da exposición de pintura Almirante. A Mar na pintura 2024, organizada pola Sociedade Artística Ferrolá (SAF), en colaboración coa galería de arte Platas e o Museo Naval.

A mostra está integrada por unha trintena de cadros -óleos e acuarelas- e poderá visitarse a partir de mañá no horario habitual do museo -de martes a venres de 9,30 a 13,30 horas e sábados, domingos e festivos de 10,30 a 13,30 horas-.

Santiago de Compostela, 17 de outubro de 2024

A Xunta de Galicia vén de demandar por carta ao ministro de Cultura e a ministra de Xuventude e Infancia, Ernest Urtasun e Sira Abed, respectivamente, avanzar conxuntamente nas demandas prioritarias para a Comunidade galega nestes dous departamentos co obxecto de abordalas desde un “diálogo continuo e construtivo”.

Ferrol, 16 de outubro de 2024

Os conselleiros de Presidencia, Xustiza e Deportes, Diego Calvo, e de Cultura, Lingua e Xuventude, José López Campos, participaron hoxe na inauguración da mostra 1970-2024 Desassossegos Manuel Patinha que se expón no centro cultural ferrolán Torrente Ballester. Na súa intervención, Diego Calvo salientou a ampla e diversa traxectoria deste artista luso afincado desde hai anos en Galicia, ademais de incidir na importancia da divulgación da súa obra e de que o seu coñecemento se transmita tamén a xeracións futuras.

A Guarda (Pontevedra), 16 de novembro de 2024

Rondallas, a nova película do realizador Daniel Sánchez Arévalo, entra na fase final da filmación que se está a desenvolver desde finais de agosto en diferentes localizacións pontevedresas, coa Guarda como epicentro. Ata alí desprazouse hoxe o conselleiro de Cultura, Lingua e Xuventude, José López Campos, quen asistiu á gravación de varias das secuencias deste filme, subvencionado pola Xunta con 300.000 euros a través do fondo para a atracción de rodaxes a Galicia.