Evento: Desenlace: Birds Are Indie + Familia Caamagno + Soledad Vélez + Stone Dead

Birds Are Indie naceu no 2010 cando Joana Corker e Ricardo Jerónimo unha parella namorada desde fai moito decidiron que era hora de xuntar tres acordes e facer unha canción; con todo, como eles eran só dous para eses tres acordes, aos dous Birds uníuselles un vello amigo, Henrique Toscano. Así se formou o trio destes afinados paxaros, todos cun mesmo plan: ser unha banda musical.

Despois de varios EP e de tres álbums autoeditados How music fits our silence (2012), Love is not enough (2014) e Let´s pretend the world has stopped? (2016), con Local Affairs (2018) chegan ao seu cuarto rexistro de longa duración, onde se xuntan esta vez coa familia da Lux Records, histórica editora de Coimbra, Portugal, cuxa actividade se disparou nos últimos anos.