Evento: Festival Mundo Tributo- Remember Queen

A factoría de espectáculos Mundo Tributo presenta este atractivo show cunha renovada posta en escena, coidado vestiario e os mellores artistas do mundo especialistas en emular o traballo da banda Británica, ofrecendo unha especial homenaxe á figura de Freddie Mercury e ao seu legado musical.

O obxectivo de Remember Queen é crear a sensación de estar a ver a Queen en vivo. Os artistas coidan o máis mínimo detalle do espectáculo cunha posta en escena similar á que estes utilizaban na Xira do 86, sendo esta a última Xira de QUEEN con Freddie Mercury en vida, ocupando a formación exacta que tiñan e que apaixonou nos escenarios de todo o mundo. Queen era excepcional porque os seus músicos eran excepcionais como a súa batería Roger Taylor, recoñecido e destacado músico da historia do rock, que ademais foi compositor de gran parte dos éxitos como «Radio Ga Ga», «A Kind of Magic». O batería de Remember Queen, Roberto D´Amicis, interpreta como ninguén outros éxitos de Queen como «I´m In Love With My Car». No papel de Brian May, xunto ás súas mellores composicións, Leo Giannetto e como John Deacon, o baixista dos Queen, Julio Llorca. Todos os éxitos de Queen como We are the Champions, Bohemian Rapsody ou I want to Break Free nun espectáculo de éxito internacional protagonizado polo mellor dobre do mundo de Freddie Mercury, Piero Venery, que natural de Italia ofrécenos unha impecable caracterización do artista xunto aos seus xestos, bailes e posta en escena.

Remember Queen visita Santiago de Compostela tras o seu gran éxito no 2018 na Gran Via de Madrid sendo visto por 15.000 persoas, tras visitar na xira do 2019 máis de 50 cidades por todo o territorio nacional, Portugal e UK, poñendo o cartel de Sold-Out practicamente en todas as actuacións como Barcelona, Almería, Selecta, Cartaxena, Valencia no Palau da Música , Festival Metropoli de Xixón con 25.000 asistentes, O Porto ou Xibraltar, e finalizada unha pequena Xira no 2020 con actuacións como en Zamora, Pamplona, Valladolid ou teatro Barts de Barcelona.