Evento: Néstor Pardo/ Jean Toussaint

NÉSTOR PARDO naceu na Coruña en 1985. En 2004, con só 19 anos, formou The Loveless Cousins, o seu primeiro grupo que liderou durante cinco anos como compositor principal, cantante e guitarrista. Con esta banda de Rock´ n` Roll clásico publicou dous álbums e xira por España e outros países europeos, sendo cabezas de cartel tamén en importantes festivais dos Países Baixos e Alemaña. Debido a esa notoriedade Néstor é fotografado por Antonio Alay para o seu libro de fotografía « Rockin´ Spain«, sobre a escena Rock´ n´ Roll en España. Abandona a súa cidade natal en 2008 para establecerse en Madrid, onde finaliza os seus estudos de guitarra na Escola de Música Creativa. Así mesmo toma clases co guitarrista de Swing Diego Araoz e unha masterclase co guitarrista de Jazz Stochelo Rosenberg.Cunha decena de discos no seu haber, Néstor en 2021 se reinventa de novo, deixando atrás sons de formacións anteriores e volve á carga cun novo proxecto en acústico, onde canta só acompañándose unicamente coa súa guitarra con cancións propias onde se aprecian claras influencias do Blues primigenio e o Gospel. 

JEAN TOUSSAINT  naceu en Saint Thomas, Illas Virxes, USA, en xullo de 1960. Comeza a súa carreira en combos locais de música Calypso e pronto se traslada a Nova York. A finais dos anos setenta se muda a Boston para mellorar a técnica do saxofón na prestixiosa Berklee College Of Music. Alí comezou a tocar xunto ao trompetista Wallace Roney, e de 1982 a 1986 forma parte de The Jazz Messengers, unha das formacións imprescindibles da historia do Jazz liderada por Art Blackey, sen dúbida entre os mellores bateristas de todos os tempos. Con eles gravou tres álbums de estudo, en 1984 “New York Scene”, en 1985 “ Blue Night” e en 1986 “ Feeling Good”. O álbum “New York Scene”, foi gañador dun Grammy á Mellor Interpretación Instrumental de Jazz. Durante ese período Toussaint tamén realizou xiras e gravacións con músicos da talla de Terence Blanchard, Lonnie Plaxico, Donald Harrison e Mulgrew Miller. En 1987 Toussaint viaxa a Europa fixando a súa residencia habitual en Londres. 
Dende entón desenvolveu unha gran carreira en solitario como líder dos seus propios proxectos, aínda que tamén foi recrutado para virar con históricos da magnitude de Wynton Marsalis, McCoy Tyner, The Gil Evans Orchestra, Max Roach, Horace Silver e Cedar Walton entre outros.