Evento: Iván Caride

Iván Caride é un músico e compositor galego que estivo involucrado no mundo da música desde que era un neno. O seu gusto pola música comezou a desenvolverse desde moi temperá idade debido á influencia do seu pai, Miguel Caride, que o mergullou no mundo musical da man dos máis clásicos como Peter Gabriel, Genesis, Pink Floyd, Led Zeppelin, Queen, The Eagles, The Beatles; e chegando á música máis actual de Coldplay ou Keane.

A primeira actuación que levou a cabo foi xunto ao seu pai no centro multicultural ElCercano en Ourense, lugar ao que segue acudindo a tocar, polo menos unha vez ao ano. Compartiu escenario tamén con artistas de talla internacional como Elsa Baeza ou Teo Cardalda.

Con apenas 13 anos, Iván forma a súa primeira banda co seu pai. A formación recibiu o nome de Swiss Cottage debido ao famoso barrio de Londres que se atopa preto dos estudos Abbey Road, onde grandes artistas como The Beatles realizaron algunhas das súas gravacións máis importantes.
Ao ano seguinte deciden gravar o seu primeiro disco chamado ?All We Need? do cal se desprenderon dous singles: ?All I Need Is... Love!? e ?Sometimes?.

En 2015, tras numerosos concertos e presentacións con Swiss Cottage, tanto pai como fillo deciden facer un parón para desenvolver novas ideas. Nese lapsus de tempo coñecen a historia de Pádraig Pearse e o Alzamento de Pascua de Dublín de 1916 e decátanse da celebración do seu centenario en 2016.

É entón cando deciden desenvolver, xunto con Óscar Doviso, a primeira ópera-rock feita en Galicia: ?The Rebel?. O seu disco foi presentado ao entón embaixador de Irlanda, David Cooney, e á actual representante de Irlanda en España, Sile Maguire. Ambos gardan na súa residencia copias do álbum, do mesmo xeito que en cásaa-museo de Padraig Pearse en Dublín.