Evento: Roberto Lolo: Mira o coiote

O Domingo 4 de Abril Roberto Lolo volve a Vigo co seu espectáculo de maxia e humor Mira o coiote. Este evento celebrarase en sala Urban Market Mahou de Vigo.

Mira o coiote é o título do novo espectáculo de Roberto Lolo. Un espectáculo de maxia pensado para todos os públicos no que a desconexión , a diversión e o pasalo ben , son cousas que están aseguradas.

Roberto Lolo é guionista, actor, director e ilusionista galego fóra do común. Todo un showman polifacético, ao servizo do espectáculo e o entretemento.

Roberto Lolo exerceu como meigo nas prestixiosas salas como Houdini, A toda Maxia en Madrid, Rey de Pikas de Leganés, Serendipia de Valladolid e Teatro Encantado de Madrid.. Ademais actuou no teatro O Rey da Maxia de Barcelona e en diferentes cidades de Valencia, Andalucía, Bilbao, etc e noutros Países, por exemplo, Xenebra (Suíza) pero sobre todo e por encima de todo, en Galicia.

Como actor colaborou na TVG en series como Urxencias Cero, Serramoura, Pratos Combinados e O final do Camiño. Entre outros traballos destaca pola colaboración e realización de varias curtametraxes audiovisuais como Triste Soledad dun violenista,Tes un móbil,Ás tres,On-Line entre outros.