Evento: Festival Vive Nigrán 2021- Natalia Lacunza + Ginebras

Natalia Lacunza (Pamplona, 1999) é cantante, compositora, e interprete, pero nada é comparable co máis importante que ten, o seu futuro: Natalia conseguiu romper o estigma do éxito e o concepto que supón brillar nun programa como Operación Triunfo, para converter a súa música, as súas influencias e a súa forma de entender as cancións, na súa única carta de presentación.

Ao longo dos dous últimos anos, a súa música rodeouse de influencias que van desde o bedroompop ao RnB, ou ao Soul, pero sen esquecer unha marcada vocación pop: de presentarse en sociedade co éxito de nana triste canción que presentou ao gran público de Guitarricadelafuente a acabar o 2019 con Ep 2, unha colección de cancións máis minimalistas nas que colaboraba con artistas como Mori ou Bronquio. E é que se algo axudou a construír o seu estilo propio e personalidade, é a súa procura constante de talento: de Sen Senra a Marem Ladson, pasando polo fenómeno de Guitarricadelafuente. Quizá Natalia Lacunza ademais sexa a A R&máis importante da súa xeración. E todo iso cunhas composicións propias ao alcance de moi poucos.

Concibido como un Picnic pop festival, Vive Nigrán nacía en 2017 coa intención de ofrecer música e entretemento nun marco incomparable, situado na baía de Nigrán e co impoñente perfil das Illas Cíes de fondo. Este emprazamento estratéxico en pleno Val Miñor, é un dos seus trazos distintivos, no que o escenario natural é parte do espectáculo.

O recinto do evento atópase a escasos metros mar, xunto ao areal de Praia América, que se estende entre Monte Lourido e Monteferro, un dos lugares con máis encanto das Rías Baixas.

Vive Nigrán, incluído no circuíto Festivais Rías Baixas, e dentro da marca FEST GALICIA, aúna e fusiona diferentes experiencias para todas as idades: praia, monte, mar, gastronomía, talleres e sobre todo boa música. Sen dúbida un planazo para gozar das mellores bandas da escena independente nun dos lugares máis emblemáticos da costa galega.  Artistas como Novidades Carminha, Nathy Peluso, Depedro, Sidonie, Viva Suecia, Morgan, Rufus T. Firefly, Anni B Sweet..xa pasaron polo noso festival.