Evento: Leilía- CantarELAS, 30 aniversario

Leilía nace no ano 89, da man de seis mulleres, que cunha aposta pioneira e atrevida, propuxémonos recuperar do esquecemento a tradición oral galega. Ao son das pandeiretas, pronto chegaron os froitos, grazas á singularidade e beleza da música de raíz.

É así como abrimos un camiño propio ao publicar a mediados dos 90 Leilía (Dismedic) composto exclusivamente por pezas tradicionais. Nesta mostra etnográfica as melodías evocan un tempo pasado, que a pesar de agonizar, resístese a desaparecer. Con esta publicación obtivemos un fondo recoñecemento de crítica e público, que descobre un modo de expresión oral, ata ese momento descoñecido na nosa sociedade.

Unha vez sentados os cimentos da nosa razón de ser, atrevémonos/atrevémosnos/atrevémonos/atrevémosnos a dar un paso máis: achegar a música do pasado ao presente, por medio da incorporación de instrumentos e polifonías non tradicionais. Así nace é verdade, i é mentira (Virgin Records) (1998) baixo a produción musical de Nando Casal e Antón Seoane, membros de Milladoiro. Este novo paso permitiunos achegarnos a un novo público. Conquistando así o noso obxectivo: dar continuidade ao pasado a través do presente. A tradición oral galega é xa parte da nosa música actual.