Evento: Orquestra Filharmónica de Pontevedra: Música no Ar

A Orquestra Filharmónica Cidade de Pontevedra fixo a súa presentación o día 6 de xuño de 2007. Naceu como un proxecto artístico ambicioso pero tamén pedagóxico, social e humano. Está formada por músicos cunha sólida formación; moitos con traxectorias profesionais xa consolidadas, e outros á procura da madurez artística que só pode proporcionar o contacto directo coa mellor tradición sinfónica. Como colectivo consciente do seu compromiso social, a Orquestra Filharmónica Cidade de Pontevedra converteuse nunha peza importante da engrenaxe da vida musical da cidade e de Galicia. A pesar da súa curta traxectoria profesional, o seu repertorio musical abarca un amplo abanico de diferentes estilos, e sempre colaborando con novos compositores e servindo como plataforma para a estrea de novas obras. Acompañou a solistas de talla internacional como Vicente Alberola, clarinete solista da Orquestra Sinfónica de Madrid; Alessio Allegrini, trompa solista da Orquestra Santa Cecilia de Roma; Frits Damrow, trompeta solista da Royal Concertgebouw; e Esteban Batallán, trompeta solista da Orquestra Sinfónica de Granada, entre outros. E no ámbito vocal colaborou co Orfeón Terra a Nosa. Recentemente colaborou tamén coa plataforma Musgafol cos que gravaron o seu primeiro CD, sempre baixo a batuta do seu director titular Javier Viceiro-Filgueira.

Vicente Alberola (director)
Realizou os seus estudos con Walter Boeykens no Conservatorio Real de Anveres, Bélxica, e ao mesmo tempo con George Pieterson (Royal Concertgebouw Orchestra) e Larry Combs (Chicago Symphony Orchestra).
Alberola foi durante máis de 20 anos primeiro clarinete da Ópera de Madrid e a Sinfónica de Galicia. Durante a última década foi primeiro clarinete convidado coa Royal Concertgebow Orchestra, New York Philarmonic Orchestra, Lucerne Festival Orchestra, Mahler Chamber Orchestra, Orchestre Lles Dissonances e a MMCK Tokyo Orchestra, agrupacións coas que tivo a oportunidade de interpretar o gran repertorio sinfónico baixo a batuta de mestres como Claudio Abbado, Mariss Jansons, Riccardo Muti, Daniele Gatti, Daniel Harding, Andris Nelsons, Gustavo Dudamel, Alan Gilbert e Nicola Luisotti, entre outros.
Foi director titular da Orquestra 430 Vigo; actualmente dirixe á Orquestra Sinfónica Gurska de Madrid e é director invitado da Ópera de Perm, Rusia. Paralelamente é tamén primeiro clarinete da Mahler Chamber Orchestra e de Lles Dissonances de París.
A súa vocación como director descubriríaa coa Nova Orquestra de Galicia no ano 1996, agrupación da que fose 8 anos director titular. En 2003 foi nomeado director da Nova Orquestra da Ópera de Madrid e en 2007 director da Nova Orquestra de Soria.
Vicent Alberola dirixiu no Teatro Real de Madrid coa Sinfónica de Madrid as seguintes óperas: Rita de G.Donizetti, a Boheme de G.Puccini, Don Giovani de W.A.Mozart, Persephone de I.Stravinsky, O Gato con Botas de X.Montsalvatge, Iolanta de P.I.Tchaikovsky, Macbeth de G.Verdi e máis recentemente LElissir dAmore de G.Donizetti.
Ao mesmo tempo dirixiu varios programas Sinfónicos coa Sinfónica de Madrid no Auditorio Nacional de Madrid, coa Orquestra Excelentia Santa Cecilia de Roma, a orquestra da ópera de Perm, a Nova Orquestra Nacional de España, a Sinfónica de Valladolid, a MMCK de Tokyo e a agrupación Musica Aeterna de Perm, Rusia.

Giorgi Gigashvili (piano)
Nacido en Tiflis (Xeorxia) fai dezaoito anos, foi o gañador do Primeiro Premio do III Concurso Internacional de Piano Cidade de Vigo (2019), organizado pola Asociación de Música Clásica de Galicia. O xeorxiano seduciu ao xurado polo seu individualidade e por interpretar de forma moi diferente a como o facían os demais. Aos seus 18 anos, era o máis novo dos cinco finalistas. Tras asimilar o recoñecemento, o pianista explicou que destinaría a dotación económica do galardón a facer moitos concertos ao redor do mundo. Pero o que máis ilusión fíxolle non é tanto o premio como o xurado, que estaba presidido polo seu ídolo, a pianista arxentina Martha Argerich.
Gigashvili foi preseleccionado entre os 381 pianistas de 53 países que aspiraban a participar nesta edición do certame. Tocou en primeira rolda xunto a outros 89 de 33 nacionalidades. Rivalizou en semifinais con 23, porque o xurado foi incapaz de reducir a lista aos 20 que estaba previsto debido ao gran nivel dos intérpretes. E saíu vitorioso entre os cinco finalistas. Pugnou con Alim Beisembayev (Kazajistán, 21 anos), Vasyl Kotys (Ucraína, 34 anos), Priscila Navarro (Perú, 24 anos) e Ronaldo Valdés (México, 28 anos).
Gigashvili  tamén gañou o VI Concurso Internacional de Piano de Tiflis e a segunda edición do Concurso Gershwin de Nova York. Actualmente estuda na Escola Central de Música Zakaria. O próximo curso, ademais do seu ingreso no Conservatorio, mergullarase de cheo na interpretación. Conta que o seu soño, é poder chegar a ser un músico famoso. E se iso non pode pasar, pois polo menos poder vivir de tocar, sinala.