Evento: Un marco para optimizar o goberno e a xestión das TI: COBIT 2019

Á luz da transformación dixital, a información e a tecnoloxía (I&T) convertéronse en algo fundamental para o soporte, a sustentabilidade e o crecemento das empresas. A creación de valor adoita vir da man dun alto nivel de dixitalización en novos modelos de negocio, procesos eficientes, unha exitosa innovación, etc. As empresas dixitais dependen cada vez máis da I&T para a súa supervivencia e crecemento.

Dada a importancia da I&T para a xestión do risco empresarial e a xeración de valor, nas últimas tres décadas prestouse unha atención especial ao goberno empresarial de tecnoloxías da información (GETI). A GETI é unha parte fundamental do goberno corporativo. A GETI preocúpase da creación de valor a partir da transformación dixital e a mitigación do risco de negocio derivado da devandita transformación.

COBIT é un marco de goberno e xestión de I&T amplo e exhaustivo que segue establecéndose como un marco xeralmente aceptado para o goberno de I&T.

A axenda de contidos a tratar será a seguinte:

Introdución a COBIT 2019

Principios

Compoñentes

Obxectivos de goberno e de xestión

Xestión do desempeño

Enfoque para o deseño do goberno e da xestión

Enfoque para a implementación

A relatora será Isabel Díaz, participou e dirixiu equipos de desenvolvemento de proxectos que involucran os seus coñecementos en análises de sistemas de información e de negocios. A súa carreira profesional desenvolveuse principalmente en Bos Aires e en España, como asesora de empresas de servizos e participando na dirección de empresas de formación privadas de ensino oficial e tamén como formadora.

O CNTG facilitará os correos electrónicos das persoas inscritas á empresa organizadora da xornada, para que esta poida crearlles e comunicarlles as ligazóns de acceso á sesión.