Evento: Melona Fest

Melona Fest alcanza en 2020 a súa quinta edición en Santiago de Compostela do 1 ao 5 de abril, na que será unha oportunidade para coñecer artistas e obras de difícil acceso mediante a programación regular.

As primeiras confirmacións representan rigorosamente o carácter e as liñas programáticas desta organización, que leva máis de cinco anos apostando polo eclecticismo e a vangarda: Triángulo de Amor Bizarro, Mozo Blanco, Califato ¾, My Expansive Awareness, o aclamado dúo cómico Vengamonjas, Megansito o Guapo, Hakima Flissi, Gui Le, o dúo audiovisual Corvax, Mt, Awwz, Adeus Amores, Limabeatz, As Cruzes, Elba e Beira Fauna.