Evento: Vermú entre libros coa poeta María do Cebreiro
Vermú entre libros coa poeta María do Cebreiro
Vermú entre libros coa poeta María do Cebreiro
O vermú entre libros de decembro acolle a visita da poeta María do Cebreiro que conversará co tamén poeta Ismael Ramos.
Neste vermú María e Ismael falarán, entre outros temas, do seu último libro editado por Galaxia (Falamos de Libros) ‘A herba de namorar’ que condensa en cincuenta poemas a produción da poeta dende a aparición de ‘O estadio do espello’ en 1998 ata o recente ‘Soños. Arquivos. Cartas’ (2018).
María do Cebreiro é profesora de Teoría da Literatura e Literatura Comparada na Universidade de Santiago de Compostela, tamén autora de ensaios, antoloxías e de máis dunha ducia de poemarios entre os que destaca a triloxía composta por Os inocentes (2014), O deserto (2015, Premio da Crítica Española e Premio da Crítica de Galicia), e A lentitude (2017)
Ligazóns
