Evento: Perseidas 2019
Perseidas 2019
sábado, 10 agosto, 2019 - 12:00
Parque Arqueolóxico da Cultura Castrexa Lansbrica (San Cibrao de Las),
San Amaro Perseidas 2019
VI Noite das Perseidas no Parque Arqueolóxico da Cultura Castrexa
O vindeiro sábado 10 de agosto celébrase a sexta edición da Noite das Perseidas no Parque Arqueolóxico da Cultura Castrexa Lansbrica, en San Cibrao de Las (Ourense). Esta é unha experiencia para descubrir e sentir a maxia de Lansbrica: unha cidade sen igual que quere conquistar a todos os asistentes. Como novidade este ano, as actividades amplíanse a case toda a xornada:
- 12.00h - 21:00h LANSBRICA VIVE: recreación histórica e visitas comentadas á área arqueolóxica.
- 20.00h TITIRICIRCUS: espectáculo de Tanxarina Títeres con marionetas de fíos e actores para todos os públicos.
- 21.30h Á LUZ DAS CANDEAS: cea temática no interior do castro de San Cibrao de Las.
- 23.00h A CIDÁ DAS ESTRELAS: percorrido nocturno pola área arqueolóxica.
- 00.30h A MAXIA DE PERSEO: actividade de observación e explicación do ceo nocturno a cargo da Asociación Astronómica de Ourense (AAO).
Os organizadores convidan a todos os interesados a vivir unha experiencia única e a viaxar no tempo á cidade galaica de Lansbrica.
