Evento: Obradoiro de xogos de mesa

Durante un par de horas, o persoal dinamizador iralles amosando aos nenos e nenas como empregar diferentes xogos de mesa cos que despois cada participante poderá continuar enredando libremente. Ao final da sesión, os asistentes elixirán un deses xoguetes para que quede no concello en que se realizou a actividade, co fin de que teñan ocasión de volver usalo no futuro.

Con este obradoiro, a Rede de dinamización lingüística quere apoiar os xogueteiros e xogueteiras que desenvolven xogos na nosa lingua, animar os pequenos e pequenas a empregar o galego no seu tempo de ocio e os seus pais e nais a transmitírllelo compartindo con eles espazos de lecer na lingua propia de Galicia.