Evento: Colección CGAC 25

O CGAC está de aniversario e celebra os seus 25 anos cunha exposición que subliña a función transformadora do museo  como institución cultural. 

Comisariada por Santiago Olmo, a exposición Colección CGAC 25 subliña a función transformadora do CGAC como unha institución cultural que integra a función de museo no que respecta a súa colección e arquivo, a de centro de arte que innova con exposicións temporais, e finalmente como unha arquitectura referente de modernidade e actualización internacional para Galicia.

Este proxecto expositivo traza contextos para a arte galega: primeiro un marco español, entre os anos cincuenta e os anos oitenta, e a continuación, superposto, un ámbito internacional que a partir dos anos noventa reflicte a programación expositiva do CGAC e as compras da súa colección.