Evento: Xornadas de Música Contemporánea 2017

Entre os meses de outubro e novembro celébrase unha nova edición das Xornadas de Música Contemporánea. Unha actividade estruturada arredor de varios concertos nos que a transversalidade da música e a súa relación con outras artes cobra protagonismo. Dezaoito recitais entre os que se inclúen dez estreas absolutas e cuxa programación está conformada polos grupos máis consolidados do actual panorama da música contemporánea.

A Concellaría de Acción Cultural en colaboración coa USC e o CGAC levan a cabo estas Xornadas que xeran lugares para o encontro e a difusión da música en diversos espazos da cidade, como a Igrexa e o Paraninfo da Universidade, o Centro Galego de Arte Contemporánea ou o Auditorio de Galicia. Crean ao seu redor un tecido cultural a prol das manifestacións musicais máis actuais.