Evento: Uxía-o. Concerto vencellado coa exposición Flor Novoneyra

Axenda de Cultura de Galicia

Uxía-o. Concerto vencellado coa exposición Flor Novoneyra

sábado, 14 outubro, 2017 - 20:30

Museo Centro Gaiás,

Santiago de Compostela

Amosar no mapa

Avísame

Engadir á miña axenda Engadido á miña axenda

Descargar no meu calendario

Uxía-o. Concerto vencellado coa exposición Flor Novoneyra

Concerto homenaxe ao poeta Novoneyra

A Cidade da Cultura de Galicia acolle o concerto do último traballo musical da cantante Uxía, en homenaxe ao escritor Uxío Novoneyra, cuxos versos traducidos ao Alfabeto Delfín forman parte da mostra Flor Novoneyra, de Antón Lamazares. Por iso, era obrigada esta actuación no Museo Centro Gaiás que desde o pasado 2 de xuño acolle esta exposición que é, en palabras do propio artista lalinense, o seu "testamento pictórico".

Neste concerto, Uxía interpretará os temas deste novo traballo no que viste de música os poemas do escritor do Courel con ecos de muiñeira, ragtime, alalá e reggae. “A poesía de Uxío Novoneyra ten un ritmo interno que a fai moi axeitada para ser cantada”, sostén Uxía, que decidiu colaborar de novo co multi-instrumentalista brasileño Sérgio Tannus “para que esta visión fose a máis actual e universal posíbel, colocando o acento na contemporaneidade e musicalidade da súa obra”.

Para determinar o repertorio do traballo discográfico Uxía-o, a cantante e SérgioTannus escolleron entre o seu poemario o que atoparon “máis próximo e familiar”, en ocasións unindo varios poemas, como é o caso de “O aire” ou “A miña sombra correndo”, transformado en alalá. Xunto ás novas composicións encóntranse tamén unha adaptación do tema “Caen as follas”, de Emilio Cao, ou “Alalás encadeados”, poema inédito incluido no disco de Uxía Meu canto (Fol Música, 2011).

FICHA ARTÍSTICA