Evento: Memoria e Muller: A palabra xusta + coloquio con Antía Cal
Memoria e Muller: A palabra xusta + coloquio con Antía Cal
Memoria e Muller: A palabra xusta + coloquio con Antía Cal
Proxección do documental sobre Antía Cal, coa súa participación no coloquio posterior
Un achegamento a Antía Cal, 'Tita' para os seus alumnos, unha muller singular que en 1961 fundou nun garaxe en Vigo o Colexio Rosalía de Castro, poñendo en marcha unha das máis singulares experiencias educativas da súa contorna, un referente da renovación pedagóxica. Aos seus 92 anos, Tita vai debullando ante a cámara os seus recordos, os seus pensamentos, as súas emocións: todo canto a conformou como muller, como mestra e como pedagoga que deixou unha fonda pegada no seu alumnado.
Organizado pola Asociación SENUNPE$O dentro do seu ciclo de outono "Memoria e Muller". A propia Antía Cal estará presente para participar no coloquio de despois.
Ligazóns
Máis eventos de tipo Proxección audiovisual