Evento: Mueran Humanos + Plástico

Mueran Humanos é unha parella de orixe arxentina pero afincada en Berlín, que constrúe as súas cancións a base de sons tensos e vibrantes dunha beleza subxugante. Os tenebrosos teclados e voz de Carmen xunto co potente baixo de Tomás crean grandes temas que atrapan o espectador nas súas atmosferas de sedosas cadencias. 

Dende que comezaron en 2006 compartiron escenario con Cult of Youth, Damo Suzuki (Can), Genesis P. Orridge (Psychic TV), entre outros.

Neste tempo publicaron tres álbums, sendo o último Miseress, editado por ATP Recordings coa colaboración do guitarrista de Jochen Arbeit (Einstürzende Neubauten, Die Haut).

Plástico fabrica sesións alucinóxenas que saltan do electro ao italo-disco ou ao rave techno.