Evento: Florencia Paz e Lucas Caballero

Os artistas arxentinos Florencia Paz e Lucas Caballero presentan o segundo tour europeo, "Todos los caminos - 2017". Nesta ocasión achegan un show conformado polos proxectos solistas e o cruzamento de ambos os artistas. Cancións con raíz en Arxentina, e ramas que se estenden cara a Latinoamérica e o mundo.

Florencia Paz (Buenos Aires), xove cantante de folclore, tradicional e moderna, creceu entre Buenos Aires e Santiago del Estero; criouse no seo dunha familia musical, "Los Manseros Santiagueños", un cuarteto tradicional, con uniformes gauchos, formado hai máis de 45 anos, que cimentou o cancionero popular folklórico arxentino fundado polo pai de Florencia. Presenta o seu flamante segundo disco, "Despertar", editado por S-Music, filial de Sony Music en Arxentina, un disco con sons de terra dentro e que arrisca mais alá do tradicional, cara a novas formas, para mostrar a súa propia mirada e sentir da música folklórica. Ademais, o repertorio inclúe cancións do seu primeiro disco e algún clásico do cancioneiro popular de Latinoamérica.

Lucas Caballero é un músico arxentino (Formosa), guitarrista e vocalista de Guauchos (prestixiosa banda arxentina de folk-rock, gañadora do Premio Gardel a "Mellor Álbum Novo Artista Folclore" polo seu segundo disco, "Pago" en 2014), compositor, produtor artístico, socio fundador de Mercurio Disquería (Buenos Aires-Arxentina), unha discográfica de artistas e selos independentes da escena nacional e arredores. Durante 2015 e 2016 realizou a produción do segundo disco de Florencia Paz.

Na actualidade produce proxectos de novos artistas da escena emerxente arxentina, e tamén fai música para cinema. Con Guauchos, en xullo-agosto de 2014, realizou a súa primeira xira europea (España e Francia). En 2015 xunto a Florencia inauguraron o tour que leva o nome "Todos los caminos" (España, Francia e Portugal).

Nesta ocasión presenta o seu proxecto solista, 'Caballero del Monte', unha proposta que resume a obra e actualidade do artista, cancións folklóricas que cambian de pel e fusiónanse coa contorna e o momento. Nas cancións sente a frescura dos ríos que abrazan o litoral e como se transforman no transcurso do percorrido polas cidades do mundo.

Esta programación pode variar. Cómpre comprobar datas e horarios concretos no espazo de programación.