Evento: Lucía Pérez

Continuando coa súa actividade artística, Lucía Pérez ofrece agora outra modalidade diferente en canto.

Trátase dun concerto totalmente acústico dunha hora de duración no que se presentan as cancións acompañadas soamente por guitarra, percusión, harmónica e outros pequenos instrumentos deixando ás voces un protagonismo que noutro tipo de formato non teñen.

O repertorio, presenta moitas das cancións que compoñen o seu último disco Quitapenas, así como éxitos dos seus anteriores traballos, combinados con temas populares do folclore galego, nun concerto ameno, participativo e que o público goza de forma próxima e directa.

A posta en escena, sinxela, íntima e acolledora contribúe a crear ese clima de comunicación entre artista e público no que se palpa a emoción e os sentimentos.