Evento: Concerto de Vaamonde, Lamas & Romero

Suso Vaamonde, Pedro Lamas e Xosé Lois Romero, son tres nomes referenciais na música galega actual. As súas traxectorias individuais abranguen dende a música de raíz ata o folk, a fusión ou o jazz, pasando pola docencia, a composición e dirección musical ou a publicación de partituras, todas elas amplamente refrendadas polo público.

O trío máis retranqueiro da música galega renóvase e presentan a súa nova proposta escénica cun repertorio composto exclusivamente por temas dunha única formación da historia de Galicia, Os Trintas de Trives. Suso Vaamonde, Pedro Lamas e Xosé Lois Romero, ofrecen a súa particular visión cómica e desprexuizada deste cuarteto, que triunfou hai máis dun século aquí e alén das nosas fronteiras e cuxa traxectoria é un cúmulo de singularidades, anécdotas e vangardismo.