Evento: Luar na Lubre

No ano 1986 nace Luar na Lubre na cidade da Coruña converténdose, co paso dos anos e o seu teimoso traballo, nunha das formacións máis prometedoras e referenciais da música feita en Galicia. 
O traballo que desenvolve a banda está enfocado desde a óptica de entender que a música é un dos factores culturais máis importantes para a afirmación do dereito á diferenza enriquecedora do pobo galego.
O grupo pretende que en Galicia predomine a súa cultura aínda que non rexeita influenzas que melloren a súa proposta sen deturpar o carácter central do seu proxecto.

O grupo está formado por:

• Bieito Romero (Gaita, zanfona e acordeón diatónico) 
• Eduardo Coma (Violín)
• Patxi Bermudez (Bodhran, tambor galego e djimbek)
• Paula Rey (Voz)
• Pedro Valero (Guitarra acústica, bouzouki e baixo pedal)
• Xan Cerqueiro (Frauta traveseira, whistles e Teclado)
• Xavier Ferreiro (Percusións latinas e efectos)
• Xulio Varela (Bouzouki, coros e percusión tradicional galega)