Evento: Rockin' Vila

O Rockin’ Vila procura establecer un evento de referencia para a música en galego, que apoia á nosa Comunidade e asiste aos grupos que versan na súa lingua. Dado que o Festival pretende ser parte da vila, e que nada forma máis parte dela que a súa tradición mariñeira, a data perfecta para facer cadrar o evento será a mesma na que se celebra a "Festa Gastronómica do Mexillón e o Berberecho".

Bandas participantes nesta segunda edición do festival:

• Terbutalina: máxima expresión do garage-punk en Galicia.
• Biribirlocke: banda de rock clásica con ventos procedente de Bugallido (Ames). Na xira de presentación do seu primeiro disco.
• Aspergilus de Coira: músicos procedentes de varias bandas que fusionan rock con música electrónica. Presentando o seu primeiro EP.
• Doen: banda formada no 2015 con músicos de Vilanova e da Illa de Arousa procedentes da nova e da vella escola do rock.
• NAO: banda con dez anos de traxectoria na súa derradeira etapa logo de anunciar a súa retirada dos escenarios.

A entrada ao festival será de balde e haberá unha zona de acampada tamén de balde.