Evento: Concerto de Marisol Mendive

Licenciada en Ciencias da Educación pola Universidade de Barcelona, realizou os seus estudos de órgano cos profesores J. L. González Uriol (Zaragoza) y M. Torrent (Grao Superior, Barcelona). Participou en numerosos cursos de perfeccionamento dirixidos polos profesores Daniel Roth, Andreas Arand e Michael Radulescu, entre outros. Traballou durante varios anos como organista e directora do Departamento de Música do Santuario de Torreciudad (Huesca).

A súa actividade como concertista desenvolveuse en numerosas capitais españolas e diversas cidades de Italia, Suíza, Croacia, Noruega, Portugal, Alemaña e México.  Desde o ano 2004 é profesora de órgano do Conservatorio Profesional de Música de Ourense e Directora Artística do Ciclo de Órgano de Xunqueira de Ambía (Ourense). Preside a Asociación de Amigos do órgano “Un rato no tubo”, de recente creación.

Este concerto está dentro da programación do II Festival Hércules Brass Celanova, que se celebra do 4 ao 8 de agosto. Tras o éxito obtido na primeira edición, o segundo festival ten como obxectivo a consolidación dun encontro musical que intenta converterse no mellor escaparate da música de vento-metal dentro do panorama artístico galego.