Evento: Festival Mar Aberto: Russ Dj, Alice Wonder e Eva B

A apertura de portas será ás 19:45 horas. Ás 20:30 horas comezaremos cunha sesión da man de Russ dj, creando un momento de desconexión que che permitirá fusionarche coa paisaxe e coa contorna do Arsenal de Ferrol.
Ás 21:00 horas comezará a actuación da artista galega Eva B.
A música de Russ dj soará de novo mentres facemos un rápido cambio de backline, momento que poderás aproveitar para gozar da nosa proposta gastronómica na zona chill out.
E ás 22:00 horas, a música volverá ao escenario de Mar Aberto coa actuación da artista española Alice Wonder. Finalizado o concerto poderemos gozar dunha última sesión de Russ dj.