Evento: Nos queda la palabra, centenario Carlos Oroza

Paco Ibáñez ofrecerá un concerto no Mar de Vigo programado, ademais, dentro da xira Nos queda la palabra que o cantautor ten preparada para este ano 2023. A reivindicación do humanismo fronte á barbarie do S.XXI, un concerto excepcional e irrepetible.

Desta maneira, o concerto céntrase en dúas particularidades:

Por unha banda, o cantautor interpretará catro ou cinco temas en galego, un deles co poeta vigués Antonio García Teijeiro.

Doutra banda, o concerto enfócase como homenaxe a Carlos Oroza no centenario do seu nacemento. Algo que será sinalado polo propio Paco Ibáñez dedicando unhas palabras ao mesmo.

A asociación Évame Oroza organizará un acto previo ao concerto en recordo a Oroza, no que dous ou tres coñecidos poetas recitarán os seus versos e proxectarase un vídeo de 10 minutos con Oroza como protagonista.

No auditorio expoñeranse diferentes elementos (fotografías e obxectos relacionados con Oroza e o centenario). 

Presentarase no mesmo acto un libro titulado «Oroza 100» publicado pola asociación onde, 100 persoas, escritores, músicos, intelectuais participan lembrando ao poeta. Entre eles atópanse recoñecidas figuras da cultura a nivel nacional que apoian este centenario.