Rede galega de teatros e auditorios

 Comando comadres a través do humor e a creación escénica, ataca as fondas raíces do sistema heteropatriarcal explorando as moitas formas e manifestacións que adopta a violencia sexista, e cuestionando a persistencia dos seus valores no pensamento hexemónico.

O noso Comando establécese como un pequeno grupo de artivistas preparadas para as encomendas máis perigosas: levar a cabo incursións no territorio inimigo para poñer luz sobre a inxustiza e volver airosas da misión. É un Comando activo de estratexias irreverentes e impredecibles.

Elenco

Teté García

Xosé M. Esperante

 Martins Aneiros Band xorde da unión da cantante Paula Martins, quen fose voz da Big Botton Band, e de Víctor Aneiros, guitarrista galego que suma xa oito discos ás súas costas.

O pasado verán a cantante apareceu como convidada do grupo do ferrolán nas súas actuacións no Fisterra Blues Experience e o Discalzos polo Festival, aínda que o inicio desta alianza musical remóntase a fai máis dunha década.

Elenco: Jordi Magdaleno

Quen lava as miles de sabas dos hoteis?

No último soto do ITALINO GRAND HOTEL está a lavandería.  Alí, un personaxe solitario lava, pasa o ferro e perfuma a roupa. Vive só, soña entre sabas e esconde a soidade conversando coas máquinas e xogando coa súa propia sombra.

EXCENTRICAS lanza un novo espectáculo para iluminar estes sombríos tempos de escuridade e desánimo. STRELA DO DÍA virá alumar os nosos corazóns con toda a divina parafernalia do teatro: a música e a comedia, a sorpresa e a cor, a emoción e a fortaleza. En definitiva, a invención dun novo mundo diante dos nosos ollos. Unha visión actualizada dos milagres de santa María aplicados aos problemas actuais (asombrosamente parecidos aos daquel século XIII).

A adrenalina ante o descoñecido, esperta os impulsos máis primitivos de alerta en nós.

Dirección: Leodán Rodríguez e Isabel Sánchez.

Intérpretes: Clara Ferrao, Ignacio García, Leodán Rodríguez e Isabel Sánchez.

SOGA E CINSA, tríptico renacentista para 11 bruxas en 101 minutos, aborda a Caza de bruxas en Europa nos séculos XV, XVI e XVII co obxecto de visibilizar o xenocidio que supuxo e a súa perversa conexión co desenvolvemento do sistema capitalista.

Horror, humor, reflexión, plasticidade e emoción son as pócimas principais deste conxuro teatral. Unha sucesión de paisaxes espectrais e inesperadas irrompen a escena para que os corpos expresen a súa danza esquecida, nunha peregrinaxe de sombras espectrais que procura as luces da xustiza e do recoñecemento.

Elenco artístico:

Os títeres créanse de sotaque na escena dende o maxín de Barallocas.

Gasas, cintas, cordas, fíos...calquera elemento cotián cobra vida cando se interpón no camiño do extrambótico protagonista deste show.

Unha sorte de sketchs de humor absurdo mesturada cunha coidada manipulación de obxectos e pantomima forman este show dirixido a tódolos públicos, protagonizado por Ero Vázquez Cabrera baixo a dirección de Isabel Rey e Marcelino de Santiago "Kukas".

Este espectáculo, que mestura a narración co teatro e o cinema, pretende divertir e espertar nas nenas e nos nenos o amor polo cine, descubrirlles o poder que teñen as imaxes e o cinema para transmitir historias.

Será Alice Guy, a nai do cinema, a que esperte a súa curiosidade pola orixe da sétima arte.
Alice, desde ben pequena, escoitou contos da súa avoa que acordaron nela o amor polos libros. Co paso do tempo chegou a ser unha gran contadora de historias que logo levaría á gran pantalla.

Chegou o día a Vila Pengüín é unha creación orixinal do grupo Trilitrate pensada para os máis cativos.

Trátase dunha proposta que combina de xeito maxistral música e animación, creada ao vivo, capaz de sorprender a maiores e pequenos pola súa beleza e grande sensibilidade. Un derroche de creatividade que nos leva de viaxe ao mundo da fantasía, da ensoñación e das músicas do mundo a través de fermosas melodías que despertan o imaxinario dos máis cativos.

Elena Vázquez, violín

Marcos Padrón, acordeón

Rubén Abad, guitarra