A Nai é un espectáculo teatral multidisciplinar, que emprega ferramentas do teatro documento e da autoficción, sen perder nunca o sentido do humor. O espectáculo explora, a través das figuras das irmás Lola, Julia e Amparo Touza, e as súas fazañas como salvadoras dunha cantidade estimada de 500 persoas durante o Holocausto, a posibilidade de sermos mellores persoas en tempos de degradación moral.
MOSCA é un xogo de nenos, algo que pode convertirse nun pesadelo. A obra narra a história de Pedro, un neno de dez anos que sufre acoso escolar.
Pedro vese reflectivo nos ollos de sua nai, de seu pai, e da sua maestra en calquera instante da peza.
Un político ambicioso, sen escrúpulos nin cultura, acepta o consello do seu audaz xefe de gabinete para solucionar un inminente proceso por corrupción: acoller un refuxiado na casa. En lugar dun presunto delincuente, será un home con conciencia. A esposa e a filla do político, vórtices nun fogar convulso, xogarán tamén un papel ante a opinión pública. A solidariedade, a traxedia, a crueldade e a miseria, convértense en vimbios cos que fabricar unha balsa na que fuxir da propia pobreza moral. Unha balsa ou unha soga.
Estimado ser humano:
Estamos no alén-mundo.
Énos moi grato dirixirnos a vostede por instruccións das deidades mariñas para extenderlle unha formal invitación a participar como xurado civil neste xuízo final ós habitantes da auga.
Os defuntos acusados comparecerán por delitos acuáticos derivados de alteracións do orden oceánico, durante a súa estancia en vida.
Delitos como beber petróleo, ser tentados e comer plástico ou ser perguizosos e deixarse pescar e mutilar sen resistirse o máis mínimo.
Con fío, agulla e dedal enfíame un conto xa! Comezamos a viaxe nun taller de costura, un lugar máxico aos ollos da nena protagonista que escoita contos, coplas, cancións en boca da súa avoa, nai e tía mentres traballan. Contos tan antigos como o oficio da costura. Puntada a puntada percorreremos mundos onde os fíos falan, as caixas de costura abren as portas da fantasía e os bastidores de bordar son ventás onde asomarse a historias prohibidas. Neste espectáculo atoparemos narración oral, música, teatro de obxectos e pezas enlazadas polas coplas do Cancioneiro da Agulla.
Dende Londres, o seu lugar de residencia habitual, Miguel Angel Julián ou o que é o mesmo Soul Teller (narrador de historias da alma) embárcase na súa xira co seu proxecto acústico, onde o feeling, a diversión e a interacción co público están garantizadas.
A presidenta dun Partido ultra-nacional, occidental, homófobo e ascendente, Nicole Wallace, ten que defenestrar politicamente á súa amiga Janet Müller, ideóloga e vicepresidenta, para branquear a súa formación e aspirar ao poder. A filla de Janet, bisexual e ferozmente crítica coa súa nai, comeza unha relación peculiar con Iván, o fillo de Nicole. Ambas as historias, entrelazadas ao longo dun ano de eleccións locais, rexionais, europeas e xerais, levarán ao Partido Nacional ata o máis alto. Xusto ao bordo dun inmenso precipicio.
Adictos somos todos...
Adictos xorde da necesidade de abordar unha problemática que nos afecta a todos: ata qué punto estamos sometidos pola tecnoloxía? Somos realmente libres? Qué tipo de sociedade construímos? Qué panorama exponnos o futuro máis próximo? Realmente merecémonos o cualificativo de "seres humanos"?
Cal é o mellor truco de maxia do mundo? Que fascinantes segredos gardan os ilusionistas doutros países? Estas son as preguntas que intentará responder o atoleirado mago Charles Munro nunha viaxe arredor do mundo para descubrir novas formas de facer maxia e a importancia de coñecer e valorar outras culturas. Un espectáculo completamente en inglés no que o público empregará o idioma de xeito natural e lúdico. Adaptado ás idades e ao seu nivel para asegurar unha experiencia máxica, divertida e educativa.
Que queda tras os aplausos dunha función, xusto cando o pano cae? Que queda tras unha función e tan só unha "luz de traballo" ilumina o espazo? Quen recolle e ordena e limpa o escenario? Como é un escenario baleiro? Que sucede entón? Loop é un escenario como un lenzo en branco. Teatro dentro do Teatro. Danza dentro da Danza. Marca de "fábrica" de Aracaladanza, a linguaxe, o traballo e os misterios do propio escenario converten a Loop nunha dramaturxia visual, libre como os soños que con imaxes, constrúe o que sempre está por suceder sobre as táboas. Esa é a maxia á que aspira Loop.
