O polifacético Carlos Meixide, ofrece con este monólogo unha antoloxía dos mellores números da súa dilatada carreira como humorista, que van do humor raiando no absurdo, cando non absurdo en si mesmo, á apoteose final das súas "extraordinarias exhibicións memorísticas".
Andrea Ea Ea Ea é quen de facer un caldo atípico. Este caldo precisa de ingredientes moi especiais. O primeiro ingrediente son orellas, orellas que escoiten; outros ingredientes que lle darán sabor a este rico caldo son os contos, contos visuais, contos tradicionais e contos dramatizados aderezados con bonitas cantigas.
A Santi todo lle sae mal. El procura comportarse coma os demais, ten ilusión por ir a escola coma todo o mundo, por ter un traballo coma todo o mundo e casar con una rapaza coma todo o mundo, pero sempre sucede algo que acaba deixándolle cara de parvo.
É certo que ten unha tendencia a estar sempre nas nubes. E ás veces queda parvo mirando a ningures. E pensa: “Que fago eu aquí........coma un imbécil”.
De Vacas é o proxecto musical das vocalistas Faia Díaz, Inés Salvado e Paula Romero, ao que decidiron incorporar a Guillerme Fernández (guitarra). Déronse a coñecer a través de internet cunha sorprendente versión do Gangnam Style, de Psy. E iso que, cando decidiron poñer en marcha o experimento, pretendían ser un grupo de versións das Spice Girls, pero Guillerme convenceunas para amplar o abano de artistas aos que versionar.
De Vacas é o proxecto musical das vocalistas Faia Díaz, Inés Salvado e Paula Romero, ao que decidiron incorporar a Guillerme Fernández (guitarra). Déronse a coñecer a través de internet cunha sorprendente versión do Gangnam Style, de Psy. E iso que, cando decidiron poñer en marcha o experimento, pretendían ser un grupo de versións das Spice Girls, pero Guillerme convenceunas para amplar o abano de artistas aos que versionar.
Esta programación pode sufrir modificacións.
Sinopse: Quen seriamos nós se fosemos quen de recuperar as imaxes que os nosos antergos percibiron e retiveron breves segundos, sen que a memoria conseguira rexistralas?
Cal é a orixe da nosa dinastía interior e profunda?
Balor na acción dunha cadeira é o proceso multidisciplinar de reconstrucción do pensamento de 'O Pernas', un emigrante real que marchou de Sada a Nova York en 1910, perseguindo o cometa Halley e rematou perdido na escuridade da historia durante case 90 anos.
O guitarrista e compositor galego Víctor Aneiros celebrará o próximo ano o 25 aniversario do seu primeiro álbum en solitario. Que el blues te acompañe (2000) marcou a entrada de Aneiros na escena do blues español cun estilo distintivo que caracterizou toda a súa carreira posterior. O álbum reflicte así a súa influencia por músicos clásicos do blues, á vez que incorpora un toque persoal marcado polo seu gusto polo rock e o seu talento co seis cordas.
Autor e director: Cándido Pazó
Elenco: Artur Trillo e Toño Casais
Sinopse: Dúas persoas moi distintas coinciden, casualmente, como curiosos espectadores da demolición dun gran edificio que, despois de anos e anos de litixios e demoras, ten que ser derrubado por mandato xudicial. Na medida en que entre elas dúas se vai establecendo unha insospeitada relación, asistimos a un espectáculo que fala do que todo o mundo fala. Demoledoramente divertido. Demoledoramente humano.
Un novo concepto de formación en Galicia, estrictamente acústico e baseado na música tradicional.
Neste proxecto únense tres músicos indispensables dentro da escea musical galega, o violino de Quim Farinha , o acordeón diatónico de Pedro Pascual e o contrabaixo de Kin García . Xuntos propoñen unha viaxe a través das músicas populares de Galicia e de outras latitudes.
O repertorio complétase con composicións propias. Todo isto aliñado con distintos enfoques estéticos que van desde a linguaxe do jazz pasando polo tango ata a tradición musical europea.
Deshábitat é o encontro de catro sobreviventes. Como facer habitable o inhóspito, como atopar harmonía no hostil. Catro personaxes en busca dun espazo vital.
Espectáculo xestual, cunha sorprendente escenografía viva e protagonista. Coreografías circenses falan a través da acrobacia e a danza, incorporando chiscadelas flamencas.
En definitiva, unha historia contada desde o movemento.
Este espectáculo de Vaivén Circo y Danza forma parte da programación da Rede galega de teatros e auditorios. Confirmar datas e horas nos espazos onde se representa.
