Rede galega de teatros e auditorios

Nominada aos Premios MAX 2013 por "mejor autoría teatral gallega".

Fíos é un espectáculo que fía palabras, tece contos, calceta historias e cose puntada a puntada cada nota de música.

Un taller de costura será o responsable de que diferentes historias acariñen os nosos oídos, unha modista que cose e cose recibe visitas esperadas e outras inesperadas pedíndolle axuda, coas súas puntadas descubrirá personaxes que penden de Fíos e queren viaxar, soñar, namorarse e contar os seus segredos.

Puño puñete é unha peza teatral, musical e visual na que a tenrura é a protagonista, un espectáculo onde os máis pequenos da casa (1-6 anos) vivirán unha experiencia entrañable para espertar os seus cinco sentidos e terán as súas primeiras sensacións a través da oralidade, a música e os contos.

Puño puñete é unha experiencia máxica para gozar cos máis pequenos e familia, onde poderán disfrutar de preciosas cancións e divertidas historias, todo aderezado con música en directo.

Elenco: Andrea Bayer, Óscar Ferreira e Davide González

Sergio Pazos estrea unha nova proposta na que afía o humor do país partindo dunha das nosas principais iconas: O Afiador.
Quén sabe máis do mundo que aqueles que viaxan por él? Ourense é coñecida como a “terra da chispa” por ser terra de afiadores.
Os afiadores galegos sempre viaxaron polo mundo contando historias do que vían, do que vivían e do que escoitaban. Sergio Pazos métese na pel dun deles para contarlle a xente quen son, de onde veñen e a onde van os afiadores.

Elenco: Nate Borrajo, Elena seijo, Fernando Dacosta, Sabela Gago e Fina Calleja

Despois dun longo silencio trala publicación de "Entre dous mares", Rosa retorna con "Nada que perder”.

Nel experimenta cos lindes da world music sen clixés nin estereotipos que a deteñan, logrando un disco cheo de luz onde as súas propias composicións son a mellor mostra da atmósfera persoalísima que só Rosa pode chegar a crear.

Elenco artístico: Xulio Abonjo e Isabel Risco

Unha parella acaba de mudarse coa idea de comezar a vivir xuntos.

O apartamento é pequeno e incómodo, reina o caos, as caixas de mudanza abarrotan o lugar, hai problemas coa calefacción e cos veciños do andar de abaixo. Pero isto é nada comparado co que atopan no que eles supoñen o seu novo fogar: a vivenda conta coa  presenza dun home invisible. Aínda por riba, este, algo intratable polo seu carácter, non acepta de moi boa maneira a chegada da nova parella.

Dirección: Iván Prado

Elenco: Saleta Torres e Fran Rei

Culturactiva SCG presenta Sénior, un espectáculo cómico sobre a crise dos 50.

Cos coñecidos e populares actores Luís Iglesia e Marcos Orsi como protagonistas, e dirixida por Avelino González, trátase dunha reflexión en clave de humor sobre a chegada ás portas da terceira idade. Cando se abandona a madurez e se comeza a ser sénior? Estamos realmente aviad@s para os retos e problemas que se nos botan enriba ao cumprir o medio século? E, sobre todo, estamos preparad@s para ser vell@s?

A alfombra máxica é un prelibro onde a artista plástica Mirari Urruzola convida aos máis pequenos a mergullarse nunha viaxe sensorial.

Un lugar de libre experimentación, unha alfombra táctil, sonora e olfativa. Xuntos descobren o pracer de apalpar, manipular, escoitar, ver... Unha invitación a xogar, explorar, experimentar con todo o corpo.

Xogos, música e outras sorpresas viaxarán cos máis pequenos e cos seus acompañantes adultos por un mundo de emocións e sensacións.

O proxecto de As Maimiñas que plantexamos vai dirixido ao público infantil e ás súas familias. Trátase dunha actividade didáctico-musical titulada volta, revolta e reviravolta, o noso segundo traballo publicado coa Editorial Galaxia