Rede galega de música ao vivo

Udra é un triángulo formado por Álvaro Trillo, Maritxinha e Diego Salgado, un trío que condensa o coidado da razón, a honestidade do corazón e a enerxía da víscera.

Udra é a terra mollada, a busca do orgánico, da orixe oculta baixo a lama.

A exploración do sintético e da herdanza estática, é a precisión mecánica, o tropezo accidental coas ideas que viven e vivirán. 

É sensibilidade e forza, a brutal honestidade e a empatía permeable, a perfección asimétrica, a pureza dun gólem de emocións.

Suelen Estar & the Soul Machín lanzan sobre as cordas músicas que non adoitan estar alí. Nesta extrañeza dan nova vida a cancións de diversas procedencias e estilos que todas coñecemos pero non deste xeito.

Noar é o novo proxecto musical de Iago Marta (guitarra eléctrica) e Rubén Fernández (voz/electrónica), músicos galegos de considerable traxectoria e intereses eclécticos, formados na vangarda musical catalana. Un proxecto que ofrece un universo sonoro tecido dende diferentes galaxias estilísticas que permite recorrer roteiros que conducen a composicións expansivas donde a dirección do discurso musical toma camiños inesperados.

Nesta xira faranos viaxar unha vez máis polas versions dos mellores temas do Pop Rock español, dende os 80 ata a actualidade (Seguridad Social, Rebeldes, Revólver, El Último de la Fila, Fito y Fitipaldis, Radio Futura, Loquillo, Los Rodríguez, Barricada, M-Clan, Los Refrescos, Los Secretos, La Unión, Joaquín Sabina, Siniestro Total...)

Fransy González (percusión e voz), Davide Salvado (percusión e voz) e Cibrán Seixo (violín e mug) son tres coñecidos músicos de ampla traxectoria no panorama musical galego e internacional.

Da unión destas tres carreiras artísticas individuais xorde esta nova proposta musical e escénica, partindo dun repertorio de música tradicional pura como os intérpretes aprendenderon nas aldeas.

Catuxa Salom é unha artista galega de raíces arxentinas e unha das voces máis destacadas do movemento folk-electrónico do momento. En 2022 publica o seu disco revelación Nunha aldea, un EP de debut producido por Marcos Bayón en Prasat Bayon Studio, que reflicte en cada canción un universo sonoro que vai da música tradicional galega aos ritmos latinos. Un disco envolto por unha atmosfera tribal que convida ao baile e nos conecta co noso lado máis puro e salvaxe. De Aimogasta ás montañas de Lugo, Catuxa Salom crea un lugar onde o fogar e o amor pola natureza están moi presentes.

Un crossover entre versos medievais recitados sobre bases de hip hop, moito flow e tintes de contracultura

Alí onde se fusionen a vangarda e a tradición atlántica estará sempre o punto de encontro de Laura LaMontagne & PicoAmperio, capaces de establecer pontes coas músicas e literaturas de antano traéndoas de volta ao presente a través de sons futuristas e tecnolóxicos.

Cró! acaba de editar a través de Spinda Records e en colaboración coa Metamovida o seu quinto disco "Buah".

O disco está a ser bendecido tanto por crítica coma pública que ven neste último traballo unha continuación na exploración das posibilidades da canción entroncando coa cultura de raíz así como a música clásica e a electrónica. Cró! sempre deslumbran mais con este disco están a conseguir facer bailar as pernas e cerebros de toda a xente, risa e baile para o ben común, un espectáculo para non perder.

Despois de vintecinco anos adicándose á música profesionalmente en infinidade de formacións, Diego Castro lanza o seu primeiro proxecto en solitario, cun estilo moi presoal que fusiona a música de raíz norteamericana e galega. Letras comprometidas e intimistas e un blues acústico e cru completan a mestura, que nace con vocación de levar estas cancións a todos o recunchos do país. Acompañado soamente da súa guitarra, unha harmónica e un bombo, conecta coa tradición dos cantautores e os trobadores que percorrían o mundo levando a súa música ao lombo.

Nuada é unha banda xoven de rock da Galiza, que se consolida arredor do 2016. Durante os seguintes catro anos de traxectoria a formación compúxose de Nina á batería, Elena ao baixo e aos coros e Brais coa súa voz e guitarra.A día de hoxe atopámonos presentando dito disco; “Deconstruir e Refacer”, na caótica situación que nos tocou vivir. Este traballo contén sete temas que se moven entre o rock, o metal, e o punk, cheos de combatividade e forza, situando a banda no mundo do rock galego, cun estilo fresco, xoven e renovado.