A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Continuando coa súa actividade artística, Lucía Pérez ofrece agora outra modalidade diferente en canto ás súas presentacións cara ao público refírese.
Trátase dun concerto totalmente acústico dunha hora de duración no que se presentan as cancións acompañadas soamente por guitarra, percusión, harmónica e outros pequenos instrumentos deixando ás voces un protagonismo que noutro tipo de formato non teñen.
Manuel de Paderna é un home que posúe o enfeitizo poético e o dominio da palabra que fai parar as augas dos ríos, variar a situación dos mares, abrollar as fontes ou curar as persoas. Hai quen di que mesmo os paxaros suspendían os seus voos e ficaban inmóbiles no aire para aprenderen o seu canto e melodía... Manuel de Paderne é algo poeta, tamén traballa de barbeiro e de alguacil municipal. A partir dos textos de Manuel María construímos unha viaxe divertida e curiosa a través de varias historias que lle acontecen a este máxico personaxe
Fernando Esclusa (Guru Deva), Fran Castro (ex Strauss, Mr. Dixie Jazz Band) e Fernando Lamas (Lovely Lúa, Mr Dixie Jazz Band) proxectaron as súas obsesións musicais cara á década dos sesenta. Estes mozos e xa veteranos músicos xuntáronse co san obxectivo de reverenciar tan inmenso legado do pop-rock anglosaxón de formacións tan extraordinarias como The Beatles, The Kinks ou Small Faces que se mesturarán de maneira explosiva co variado cocktail de artistas tan estrañados do rock hispano como Os Salvaxes, Os Bravos, Fórmula V ou Os Brincos.
A cantante e compositora Lorena Lores xunto á súa banda, recrean aqueles glamurosos salóns da Habana dos anos cincuenta.
Con proxeccións de época como escenografía, realizan un percorrido polos clásicos do bolero, do son e do chachachá, creando un cálido clima que convida o público a cantar, bailar e divertirse.
Ficha artística:
Autoría: Miguel de Cervantes
Dirección: Nuria Gullón
Mestre cociñeiro: José Manuel Hernández
Dramaturxia: Sergio Macías
Escenografía: Pablo Iriarte e Fran Núñez
ESP: José Manuel Núñez
Iluminación: Fran Núñez
Produción: Cris Alonso e Candy Álvarez
Elenco: Fran Núñez
Espectáculo de divulgación infantil e xuvenil, que busca dunha maneira entretida, combinando audiovisual, maxia e monicreques, concienciar acerca dos recursos limitados do planeta, e explica de que maneira o ser humano contamina, como podemos evitalo e comprender a importancia de reducir, reutilizar e reciclar os obxectos.
Por qué o clima do noso planeta está a cambiar? Por qué un terzo dos recursos da terra xa están esgotados? Que é o que podemos facer para cambiar esta situación?
Igloo baséase en contundentes guitarras, combinadas con sons electrónicos e melodías pop, conseguindo unha especie de rock electrónico de potentes retrousos e intensas instrumentacións cunha clara influencia anglosaxona, pero totalmente cantados en castelán.
O seu quinto disco está a ser unha sorpresa no panorama musical nacional, acadando unha vez mais un grande recoñecemento tanto polos seus singles coma os seus directos.
Concerto dentro da programación Cultura no Camiño. Confirmar datas e horas no concello onde se celebra.
Carapuchiña é unha nena duns 9 anos. Certo día, a súa nai encárgalle ir á casa da súa avoa para levarlle unha cesta con froita, un tarro de mel e unha botella de viño doce. Na súa viaxe atoparase a un leñador, unhas árbores bailarinas e cun lobo... que fará das súas para intentar papala.
Toda a historia está narrada por Prácido, un escritor de contos que, axudado pola súa vella máquina de escribir traballará arreo para escribir o conto máis bonito do mundo: Carapuchiña Vermella.
O humor e o absurdo son os fíos cos que se corcose a trama dun espectáculo de dous atletas, dous cómplices que se compenetran realizando trucos imposibles diante do público.
Risco, desastre, sorpresa e surrealismo son palabas que poden aparecer en calquera momento. Mais estes dous artistas saben saír co seu talento de calquera situación adversa.
Espectáculo que forma parte da programación da Rede galega de teatros e auditorios. Confirmar datas e horas nos espazos onde se representa.
Augusta vive cos seus pais nunha casa moi pequenina cerca do aeroporto... pero a Augusta non lle gustan os avions porque lle dan medo. pero tamen lle dan medo os animais, as caixas, as nésperas . Augusta ten medo de moitas cousas
