Teatro

Que pasaría se puxésemos todos os nosos medos xuntos a danzar?
Medos grandes, medos pequenos, mediños, xogando entre si e contando as súas historias. A danza dos medos convidaranos a descubrir como, ao longo das diferentes etapas da vida, os nosos pensamentos, sentires e desexos nos expoñen a vivir moitísimas emocións, co «medo» entre elas. O nacemento, a infancia, a adolescencia e, por suposto, a vellez estarán habitados por personaxes extraordinarios, monicreques de moitas formas e técnicas para levar á escena A danza dos medos.

Los lunes al sol amósanos de maneira realista e conmovedora as loitas diarias, a desmoralización e a desesperanza coas que batemos ao tentar atopar traballo nun mercado laboral competitivo e en constante cambio. Fai visible a maneira na que a falta de oportunidades e a presión social afectan ás relacións persoais, á auto-estima e á esperanza nun futuro mellor. Los lunes al sol é unha poderosa reflexión sobre como as circunstancias económicas poden moldear a identidade e as relacións humanas.

No século XVI, unha pequena comunidade de monxas á beira do Miño vese ameazada pola cobiza da xerarquía eclesiástica. Os señores da Igrexa, para rematar coa resistencia das freiras non dubidan en difamalas e ameazadas por todos os medios, dende o tribunal da Inquisición á violencia das mesnadas señoriais. Carme Varela reconstrúe nun thriller conventual aqueles tempos de resistencia das comunidades de mulleres autosuficientes e poderosas. A vida parece continuar coas súas rutinas de rezos, bordados e melindres, mais a negra sombra da ameaza exterior abátese sobre o convento de Albeos. 

Protagonizada polas tres bruxas que profetizan o ascenso de Macbeth ao trono na peza de Shakespeare: tres bruxas que encarnan os males deste mundo e que nos serven de referencia para nos rir da diferenza entre como o mundo ve (ou conta) as mulleres e como elas se senten dentro das súas casas.

Ni flores, ni funeral, ni cenizas, ni tantán é unha historia de superación, tenrura e humanidade. Centrada nos coidados paliativos e no «bo morrer», a peza é unha viaxe que nos empurra a afrontar a vida con alegría e a preguntarnos como será o final desta. Un canto a todas aquelas persoas que deixaron este mundo con dor e sufrimento. Un recoñecemento a todas esoutras que acompañan nesta última etapa sen nunca perder o sorriso.

O Salón Teatro acolle a estrea da Aula de Teatro da Universidade de Santiago de Compostela, que este ano representa Agamenón, volvín do supermercado e deille unha malleira ao meu fillo. Roberto Salgueiro é o responsable desta montaxe que adapta o texto de Rodrigo García, incluíndo algún outro escrito do mesmo autor. Na peza convive unha mestura de violencia e humor, que serve de retrato dunha sociedade afeita a recibir o golpe e aceptar a derrota, a asumila como algo propio do noso ser. Esta é unha obra que converte a risa nun xesto revirado e a gargallada nun corpo contraído.

Ciclo Quintas do Camões, en colaboración co Centro Camões

Quen dixo que os bebés non podían participar da festa? Xarope Tulú ofrece unha peza teatral dirixida á primeira infancia (nenos e nenas de 0 a 3 anos), onde se combinan o conto e a creación sonora en directo. O obxectivo desta proposta é acompañar as familias na crianza agarimosa en galego.

A proximidade é o seu selo, e o seu obxectivo facer rir a todos os asistentes, aínda que, para el, a actitude coa que se entra na sala é importante. Como el mesmo di “Non cruces os brazos, non che entran os chistes”.
David Cepo cómico de nacemento e influencer por sorpresa, converteuse na nova sensación en redes sociais grazas á súa espontaneidade e proximidade. Moitos dos seus vídeos hanse viralizado e agora chega ao teatro cun espectáculo cargado de risas e humor onde David fará que sintas protagonista do seu propio show.
 

Sábado 30 de Novembro, ás 19:30h, no Centro Cultural San Vicente de Mañufe, tes unha nova cita coa nosa suorenta comedia "Running, unha suorenta comedia De Ste Xeito".